കെവിന്റെ കൊലപാതകം; തട്ടിക്കൊണ്ടു പോകാൻ ഉപയോഗിച്ച രണ്ടാമത്തെ കാറും കണ്ടെത്തി

കൊല്ലം: കെവിനെ തട്ടിക്കൊണ്ടു പോകാൻ ഉപയോഗിച്ച രണ്ടാമത്തെ കാറും കണ്ടെത്തി. i 20 കാറാണ് പുനലൂരിൽ നിന്ന് കണ്ടെത്തിയത് കാർ ഫൊറൻസിക് വിദഗ്‌ധർ പരിശോധിക്കുകയാണ്.

also read: കെവിനെ തട്ടിക്കൊണ്ട് പോകുന്ന വഴി ഷാനുവും എസ്‌ഐയും തമ്മില്‍ ഫോണില്‍ സംസാരിച്ചു

ഞായറാഴ്ച പുലര്‍ച്ചെയാണ് കെവിന്റെ ഭാര്യ നീനു ചാക്കോയുടെ സഹോദരന്‍ ഉള്‍പ്പെടെ ഉള്ള സംഘം കെവിനെ തട്ടിക്കൊണ്ട് പോയത്. വീടാക്രമിച്ചാണ് കെവിനേയും ബന്ധുവായ അനീഷിനേയും പത്തംഗ സംഘം തട്ടിക്കൊണ്ട് പോയത്. തെന്മലയ്ക്ക് 20 കിലോമീറ്റര്‍ അകലെയുള്ള ചാലിയേക്കര തോട്ടിൽ നിന്ന് തിങ്കളാഴ്‌ച പുലര്‍ച്ചെയോടെയാണ് കെവിന്റെ മൃതദേഹം കണ്ടെത്തിയത്. സംഭവവുമായി ബന്ധപ്പെട്ട് നീനുവിന്റെ അച്ഛനും സഹോദനും ഉൾപ്പടെയുള്ള പ്രതികളെ പോലീസ് കസ്റ്റഡിയിലെടുത്തിട്ടുണ്ട്. കെവിന്റെ കൊലപാതകത്തിന് കൂട്ടുനിന്ന എസ്.ഐ, എ എസ് ഐ, ഡ്രൈവർ തുടങ്ങിയവരെ സസ്‌പെന്റ് ചെയ്‌തിട്ടുണ്ട്‌