കൊല്ലപ്പെട്ട കെവിന്റെ മൃതദേഹം വീട്ടിലെത്തിച്ചു; പൊട്ടിക്കരച്ചിലോടെ നീനു

കോട്ടയം: വധുവിന്റെ വീട്ടുകാര്‍ തട്ടിക്കൊണ്ടുപോയ ശേഷം കൊലപ്പെടുത്തിയ കെവിന്റെ മൃതദേഹം നട്ടാഞ്ചേരിയിലെ കെവിന്റെ വീട്ടിലെത്തിച്ചു. മൃതദേഹം വീട്ടിലെത്തിച്ചതോടെ നിരവധി ആളുകളാണ് കെവിന്റെ വീട്ടിലേക്ക് എത്തിക്കൊണ്ടിരിക്കുന്നത്. ആശുപത്രിയില്‍ നിന്നും പോസ്റ്റ്‌മോര്‍ട്ടം ചെയ്തതിന് ശേഷമാണ് മൃതദേഹം വീട്ടിലേക്കെത്തിച്ചത്. മൃതദേഹം പൊതുദര്‍ശനത്തിനു ശേഷം വൈകിട്ട് മൂന്നു മണിക്ക് നല്ലിടയന്‍ പള്ളി സെമിത്തേരിയില്‍ ശവസംസ്‌കാരം നടത്തും.