ആളൊഴിഞ്ഞ കോഴിക്കോട് മെഡിക്കൽ കോളേജ്; ആ​ശു​പ​ത്രി​യി​ല്‍ ഹ​ര്‍​ത്താ​ല്‍ പ്ര​തീ​തി

കോ​ഴി​ക്കോ​ട്: കോഴിക്കോട് മെഡിക്കൽ കോളേജ് ആശുപത്രിയിൽ ഇപ്പോൾ ഹ​ര്‍​ത്താ​ല്‍ പ്രതീതിയാണ്. ആയിരക്കണക്കിന് രോഗികൾ ദിവസേനെ എത്തിയിരുന്ന ആശുപത്രിയിൽ ഇപ്പോൾ രോഗികൾ എത്താതെയായി. പനി വന്നാൽ പോലും ആശുപത്രിയിൽ എത്താൻ ഭയക്കുന്നു. നിപ്പ വൈറസ് പനി പടർന്നു പിടിച്ചത് ​ മെ​ഡി​ക്ക​ല്‍ കോളേജുകൾ ഉൾപ്പടെയുള്ള ആ​ശു​പ​ത്രി​ക​ളി​ല്‍ നി​ന്നാ​ണെ​ന്ന വാ​ര്‍​ത്ത​ക​ള്‍ വ​ന്ന​തോ​ടെ ആ​ളു​ക​ള്‍ ഭ​യ​ന്ന് ആ​ശു​പ​ത്രി​യി​ലേ​ക്കു​ള്ള വ​ര​വ് കു​റ​ക്കു​ക​യാ​യി​രു​ന്നു.

ALSO READ: നിപ്പ വൈറസ്; കോഴിക്കോട് മെഡിക്കല്‍ കോളേജില്‍ രോഗികളെ പ്രവേശിപ്പിക്കുന്നതിന് നിയന്ത്രണം

61 വ​ര്‍​ഷം പി​ന്നി​ട്ട ആ​ശു​പ​ത്രി ച​രി​ത്ര​ത്തി​ലി​താ​ദ്യ​മാ​യാ​ണ് ഇ​ങ്ങ​നെ ഒരു അവസ്ഥ ഉണ്ടായത്. ഏ​തു സ​മ​യ​വും തി​ങ്ങി​നി​റ​യാ​റു​ള്ള അ​ത്യാ​ഹി​ത വി​ഭാ​ഗ​വും പ​നി​ക്കാ​ല​മാ​യാ​ല്‍ വ​രാ​ന്ത​യി​ലു​മു​ള്‍​പ്പെടെ ദു​രി​ത​ത്തി​ല്‍ ക​ഴി​യു​ന്ന രോ​ഗി​ക​ളു​മാ​യി​രു​ന്നു മെ​ഡി​ക്ക​ല്‍ കോ​ള​ജി​ലെ കാ​ഴ്​​ച​ക​ള്‍. എ​ന്നാ​ല്‍, നാ​ലാ​ഴ്ച​ക്കി​ടെ 14 പേ​രു​ടെ ജീ​വ​ന്‍ ക​വ​ര്‍​ന്ന നി​പ്പ വൈ​റ​സ് ഈ ​ആ​ശു​പ​ത്രി​യു​ടെ കാഴ്ച്ചയൊക്കെ മാറ്റിമറിച്ചു. മെ​ഡി​ക്ക​ല്‍ കോ​ള​ജി​ല്‍ ആ​ദ്യ​മാ​യാ​ണ് ഇ​ത്ത​ര​മൊ​രു സ്ഥി​തി​വി​ശേ​ഷ​മെ​ന്ന് മൂ​ന്നു പ​തി​റ്റാ​ണ്ടോ​ളം ഇ​വി​ടെ സേ​വ​ന​മ​നു​ഷ്ഠി​ച്ച ന​ഗ​ര​ത്തി​ലെ മു​തി​ര്‍​ന്ന ഡോക്ടർ പ​റ​യു​ന്നു.