ഇന്ത്യൻ യുവാവ് അമേരിക്കയില്‍ വെടിയേറ്റ് മരിച്ചു

ന്യൂയോര്‍ക്ക്: ഇന്ത്യൻ യുവാവ് അമേരിക്കയില്‍ വെടിയേറ്റ് മരിച്ചു. അമേരിക്കയിലെ ഒഹിയോയില്‍
കാറിനുള്ളിലാണ് ഇന്ത്യക്കാരനായ ട്രക്ക് ഡ്രൈവറെ വെടിയേറ്റ് മരിച്ച നിലയിൽ കണ്ടെത്തിയത്. പോലീസിന്റെ റിപ്പോര്‍ട്ട് പ്രകാരം വെടിയുണ്ട നെഞ്ചില്‍ തുളച്ചുകയറി മെയ് 21 നാണ് ജസ്പ്രീത് സിങ്ങിന്റെ മരണം സംഭവിച്ചത്.

ALSO READ:വെടിയേറ്റ് വീ​ട്ട​മ്മ മരിച്ച സംഭവം : ദു​രൂ​ഹ​ത​യെ​ന്ന് ബ​ന്ധു​ക്ക​ള്‍

പ്രതിയായ യുവാവ് ജസ്പ്രീത് സിങ് കാറിൽ ഇരിക്കുമ്പോൾ ഇയാൾക്ക് നേരെ വെടിയുതിർക്കുകയായിരുന്നു.
‘സിഖ് സമുദായത്തില്‍ എല്ലാവരാലും ഇഷ്ടപ്പെടുന്നയാളായിരുന്നു ജസ്പ്രീത്. ഗുരു നാനാക്ക് സൊസൈറ്റിയിലെ സജീവപ്രവര്‍ത്തകനായിരുന്നു സിങ്ങ്. അടുത്ത കാലത്താണ് ട്രക്ക് ഡ്രൈവറായി ജോലിയില്‍ പ്രവേശിച്ചത്. ‘
പ്രതിയുടെ അഭിഭാഷകന്‍ അയാളെ നിരപരാധിയായി കാണണമെന്ന ആവശ്യവുമായി മുന്നോട്ട് വന്നിട്ടുണ്ടെങ്കിലും അടുത്തയാഴ്ച പ്രതിയുടെ പേരില്‍ കൊലപാതകക്കുറ്റം ചുമത്താനാണ് സാധ്യതയെന്ന് പോലീസ് അറിയിച്ചു.