ചെങ്ങന്നൂര്‍: മുതിര്‍ന്ന കോണ്‍ഗ്രസ് നേതാവ് എ.കെ. ആന്‍റണിക്കെതിരെ വിമര്‍ശനവുമായി വീണ്ടും മുഖ്യമന്ത്രി പിണറായി വിജയന്‍. സാധാരണ കാര്യങ്ങള്‍ മനസിലാക്കി പ്രവര്‍ത്തിക്കുന്ന വ്യക്തിയാണ് ആന്‍റണി. കെഎസ്‌യുവും യൂത്ത് കോണ്‍ഗ്രസും ആയിരുന്ന കാലത്തെ കോണ്‍ഗ്രസിനെയാണ് ആന്‍റണി മനസില്‍ കൊണ്ട് നടക്കുന്നതെന്നും അദ്ദേഹം പരിഹസിച്ചു.
ആര്‍എസ്‌എസിനോട് കോണ്‍ഗ്രസിനു മൃദുസമീപനമാണെന്നും അദ്ദേഹം പറഞ്ഞു. വടകര-ബേപ്പൂര്‍ മോഡല്‍ കോ-ലി-ബി സഖ്യം ഉണ്ടാക്കിയിട്ടും അവര്‍ക്ക് ജയിക്കാനായില്ല. നേമത്ത് ഒ. രാജഗോപാലിനെ കോണ്‍ഗ്രസ് സഹായിച്ചു. അതിന് പ്രത്യുപകാരമായി അടുത്ത മണ്ഡലത്തില്‍ ബിജെപി കോണ്‍ഗ്രസിനെ സഹായിച്ചു.
ചെങ്ങന്നൂര്‍ ഉപതെരഞ്ഞെടുപ്പില്‍ ആന്‍റണി ആര്‍എസ്‌എസിന്‍റെ സഹായം തേടിയെന്ന് പിണറായി വിജയന്‍ ആരോപിച്ചു. ഇതിന്‍റെ തുടര്‍ച്ചയാണ് ചെങ്ങന്നുരില്‍ നടക്കുന്നതെന്നും അതുകൊണ്ടാണ് ആര്‍എസ്‌എസിനോട് ആന്‍റണി സഹായം തേടിയതെന്നും പിണറായി വിജയന്‍ പറഞ്ഞു.
Post Your Comments