കണ്ണൂർ ; പോലീസ് റെയിഡില്‍ വൻ സ്ഫോടക വസ്തുക്കൾ കണ്ടെത്തി. തലശ്ശേരിക്കടുത്ത് നിട്ടൂരില്‍ രഹസ്യവിവരത്തെ തുടര്‍ന്ന് പോലിസും ഡോഗ്- ബോംബ് സ്ക്വാഡ് ഉദ്യോഗസ്ഥരും ചേര്‍ന്നു നടത്തിയ റെയിഡിൽ പൊട്ടാസ്യം നൈട്രേറ്റ്, സള്‍ഫര്‍, ഗണ്‍ പൌഡര്‍, തുടങ്ങിയ ബോംബ് നിര്‍മ്മാണ സാമഗ്രികളാണ് കണ്ടെത്തിയത്.
നിട്ടൂർ പാലത്തിനടുത്ത് നിര്‍ദ്ദിഷ്ട ബൈപാസ് റോഡ് വഴിയിലെ ഒഴിഞ്ഞ പറമ്ബിലുള്ള കുറ്റിക്കാട്ടില്‍ പ്ലാസ്റ്റിക് സഞ്ചിയിലാക്കി ബിഗ് ഷോപ്പര്‍ ബാഗില്‍ സൂക്ഷിച്ച നിലയിലായിരുന്നു സ്ഫോടക വസ്തുക്കള്‍. ബോംബ് സ്ക്വാഡ് ഇവ നിര്‍വ്വീര്യമാക്കാനായി കൊണ്ടുപോയി. സംഭവത്തില്‍ ധര്‍മ്മടം പോലീസ് കേസെടുത്തു. അഞ്ച് കിലോയിലധികം സ്ഫോടക വസ്തുക്കളാണ് കണ്ടെത്തിയെന്നാണ് വിവരം.
Also read ; മലേഷ്യന്‍ വിമാനം തകര്‍ത്തതിനു പിന്നില്‍.. അന്വേഷണ റിപ്പോര്‍ട്ട് പുറത്ത്
Post Your Comments