അജ്‌മാൻ: അജ്‌മാനിൽ കെട്ടിടത്തിന് മുകളിൽ നിന്ന് വീണ് 13കാരി മരിച്ചു. പെൺകുട്ടി താമസിച്ചിരുന്ന കെട്ടിടത്തിന്റെ ബാൽക്കണിയിൽ നിന്ന് കുട്ടി താഴേയ്ക്ക് വീഴുകയായിരുന്നു. കുട്ടിയുടെ മാതാപിതാക്കൾ പുറത്ത് ഷോപ്പിങ്ങിനും മറ്റുമായി പോയ സമയത്തായിരുന്നു സംഭവം. കഴിഞ്ഞ ദിവസം വൈകുന്നേരമാണ് പെൺകുട്ടി ബാൽക്കണിയിൽ താഴേക്ക് വീണത്. ഉടൻതന്നെ നാട്ടുകാർ പോലീസിൽ വിവരമറിയിക്കുകയും നിമിഷങ്ങൾക്കകം പോലീസ് സ്ഥലത്തെത്തി കുട്ടിയെ ആശുപത്രിയിൽ എത്തിച്ചു.
ALSO READ: അജ്‌മാനിൽ ഡിസ്‌കൗണ്ട് സെയിലിൽ സാധനങ്ങൾ വാങ്ങാൻ വൻ ജനത്തിരക്ക്; പെടാപ്പാട് പെട്ട് പോലീസ്
വീഴ്ചയിൽ പെൺകുട്ടിയുടെ തലയ്ക്ക് സാരമായി പരിക്കേറ്റിരുന്നു. ആശുപത്രിയിൽ എത്തിച്ച് രണ്ട് മണിക്കൂർ കഴിഞ്ഞപ്പോൾ കുട്ടി മരണത്തിന് കീഴടങ്ങി. പോലീസ് നടത്തിയ പരിശോധനയിൽ കെട്ടിടത്തിന്റെ ബാൽക്കണിയിൽ നിന്ന് കുട്ടിയുടേതും മാതാപിതാക്കളുടേതുമല്ലാത്ത ഫിങ്കർ പ്രിന്റ് കണ്ടെത്തിയിരുന്നു. ഇതാണ് സംഭവം അപകടമാണോ എന്ന കാര്യത്തിൽ പോലീസിന് സംശയമുണ്ടാക്കിയത്. അന്വേഷണം പുരോഗമിക്കുകയാണ്.
Post Your Comments