യുഎഇയിൽ കെട്ടിടത്തിൽ നിന്നും വീണ പെൺകുട്ടിക്ക് ദാരുണാന്ത്യം

അജ്‌മാൻ ; കെട്ടിടത്തിൽ നിന്നും വീണ പെൺകുട്ടിക്ക് ദാരുണാന്ത്യം. ഷെയ്ഖ ബിന്‍ ത് സയീദ് സ്‌കൂളിലെ അഞ്ചാം ക്ലാസ് വിദ്യാര്‍ത്ഥിനി അല്‍ അനൂദ്(13 ) ആണ് അല്‍ ജുര്‍ഫിലെ ഫ്‌ളാറ്റിലെ അഞ്ചാം നിലയിൽ നിന്നും വീണു മരിച്ചത്. ചൊവ്വാഴ്ച വൈകിട്ടാണ് സംഭവം. വിവരം അറിഞ്ഞ ഉടൻ പോലീസും ബുലന്‍സും വിദഗ്ദ്ധ സംഘവും സ്ഥലത്തെത്തി പെണ്‍കുട്ടിയെ ആശുപത്രിയിൽ എത്തിച്ചെങ്കിലും ജീവന്‍ രക്ഷിക്കാനായില്ല.

പെണ്‍കുട്ടി വീട്ടില്‍ തനിച്ചായിരുന്നപ്പോഴായിരുന്നു അപകടമെന്നു പോലീസ് പറയുന്നു. മാതാപിതാക്കള്‍ ഷോപ്പിംഗിന് പോയ സമയത്താണ് സംഭവം. കുട്ടി വീണ സമയം ബാല്‍ക്കണിയില്‍ മറ്റാരുടേയും സാന്നിദ്ധ്യം ഉണ്ടായിരുന്നില്ലെന്നും അപകട മരണമെന്നാണ് പ്രാഥമീക അന്വേഷണത്തില്‍ കണ്ടെത്തിയിട്ടുള്ളതെന്നും പോലീസ് പറഞ്ഞു.

Also read :വീണ്ടും പാക് ഷെല്ലാക്രമണം ; ഒരാൾ മരിച്ചു