മലയാളത്തിന്റെ അതുല്യ നടന്‍ മോഹന്‍ലാലും ഹിറ്റ് സംവിധായകന്‍ പ്രിയദര്‍ശനും ഒന്നിച്ചപ്പോഴൊക്കെ മികച്ച വിജയങ്ങളാണ് ഉണ്ടായിട്ടുള്ളത്. ഈ കൂട്ടുകെട്ടില്‍ വിരിഞ്ഞ ഏറെ ജനപ്രീതി നേടിയ ഒരു ചിത്രമാണ് തേന്മാവിന്‍ കൊമ്ബത്ത്. 1994ല്‍ പുറത്തിറങ്ങിയ ഈ ചിത്രം തീയേറ്ററില്‍ നിറഞ്ഞോടുക മാത്രമല്ല രണ്ട് ദേശീയ അവാര്‍ഡുകളും അഞ്ച് സംസ്ഥാന അവാര്‍ഡുകളും ഒരു ഫിലിംഫെയര്‍ അവാര്‍ഡും നേടി. പുറത്തിറങ്ങി രണ്ടര പതിറ്റാണ്ട് പിന്നിടാനൊരുങ്ങുമ്പോള്‍ ഇതാ ചിത്രത്തെ സ്നേഹിക്കുന്നവര്‍ക്ക് ഒരു സന്തോഷവാര്‍ത്ത. മോഹന്‍ലാല്‍-പ്രിയദര്‍ശന്‍ ടീമിന്‍റെ ഈ മാസ്റ്റര്‍പീസ് റീ-റിലീസിന് ഒരുങ്ങുകയാണ്. അതും 4 കെ റെസല്യൂഷനില്‍!!
ഗോദ, എസ്ര, ഗപ്പി തുടങ്ങിയ ചിത്രങ്ങളുടെ നിര്‍മ്മാതാവും ഇ 4 എന്‍റര്‍ടെയ്ന്‍മെന്‍റ് ഉടമയുമായ മുകേഷ് ആര്‍.മെഹ്തയാണ് ചിത്രത്തിന്‍റെ റീ റിലീസ് പ്രഖ്യാപിച്ചത്. തേന്മാവിന്‍ കൊമ്പത്ത് കൂടുതല്‍ മിഴിവുറ്റ രീതിയില്‍ വീണ്ടും തീയേറ്ററില്‍ കാണാന്‍ ഒരു കൊല്ലം കൂടി കാത്തിരിക്കണം. ചിത്രത്തിന്‍റെ റിലീസിന് 25 വര്‍ഷം തികയുന്ന വേളയില്‍, 2019 മെയ് 12നാവും ചിത്രത്തിന്‍റെ 4കെ പതിപ്പ് തീയേറ്ററുകളിലെത്തുക 4കെ റെസല്യൂഷനില്‍ ഡിജിറ്റല്‍ റീമാസ്റ്ററിംഗ് നടത്തിയാണ് ചിത്രം തീയേറ്ററുകളിലെത്തുക.
മലയാള സിനിമയുടെ താരരാജാവ് മോഹന്‍ലാല്‍ തന്നെ ; കൃത്യമായ തെളിവുകള്‍ നിരത്തി ഷഹബാസ് അമന്‍
@Mohanlal Happy Birthday Greetings to one of the best actors from E4E I started Malayalam distribution with his Butterflies and planning to Re Release his Then Maavin Kombathu remastered in 4K on 12th May 2019 on its 25th Anniversary pic.twitter.com/mM9YIm6GV4
— MUKESH RATILAL MEHTA (@e4echennai) May 21, 2018
Post Your Comments