ഇസ്താംബുൾ വിമാനത്താവളത്തിൽ രണ്ട് വിമാനങ്ങൾ തമ്മിൽ കൂട്ടിയിടിച്ചു. ഭാഗ്യം കൊണ്ട് യാത്രക്കാർക്ക് ആർക്കും പരിക്കുകളില്ല. കണ്ടു നിന്നവരുടെ ചങ്കിടിപ്പ് വർദ്ധിപ്പിച്ച ആ അപകടത്തിന്റെ വിഡിയോ ഇപ്പോള്‍ പുറത്ത് വന്നിരിക്കുകയാണ്. വിമാനത്താവളത്തിലെ സിസിടിവിയിലാണ് ഞെട്ടിക്കുന്ന ദൃശ്യങ്ങൾ പതിഞ്ഞത്. ദക്ഷിണ കൊറിയൻ വിമാന കമ്പനിയായ എഷ്യാനയുടെ എ 330 വിമാനവും ടർക്കിഷ് എയർലൈൻസിന്റെ എ 321 വിമാനവുമാണ് കൂട്ടിമുട്ടിയ്ത്.
ടാക്സി വേയ്ക്ക് സമീപം പാർക്ക് ചെയ്തിരുന്ന എ321 വിമാനത്തിൽ എഷ്യാനയുടെ വിമാനം വന്നിടിക്കുകയായിരുന്നു. അപകടത്തിൽ ടർക്കിഷ് വിമാനത്തിന്റെ സ്റ്റെബിലൈസറിനും ഏഷ്യാന വിമാനത്തിന്റെ ചിറകിനും തകരാറുണ്ട്. ഇരു കമ്പനികളും അപകടം നടന്നതായി സ്ഥിരികരിക്കുകയും അന്വേഷണത്തിൽ ഉത്തരവിടുകയും ചെയ്തിട്ടുണ്ട്. ദക്ഷിണ കൊറിയൻ വിമാനത്തിൽ 222 യാത്രക്കാരുണ്ടായിരുന്നു. എന്നാൽ ടർക്കിഷ് വിമാനത്തിൽ എത്രപേരുണ്ടെന്ന് വ്യക്തമല്ല.
Post Your Comments