അബുദാബി: വീക്കെന്‍ഡ് ആഘോഷിക്കാനാണ് മലയാളിയായ സുഫിയാന്‍ ഷാനവാസും ഭാര്യ ആലിയയും അല്‍ എയിനിലേക്ക് പോയത്. എന്നാല്‍ പോകും വഴി ഒരു മഹത് കാര്യമാണ് ഇവര്‍ ചെയ്തത്. ഒരാളുടെ ജീവന്‍ രക്ഷിക്കുക, അത് എത്ര വലിയ കാര്യമാണെന്ന് ഏവര്‍ക്കും അറിയാം. വാഹനാപകടത്തില്‍ പരുക്ക് പറ്റി റോഡില്‍ കിടന്ന അറബ് സ്വദേശിയുടെ ജീവനാണ് ഷാനവാസ് രക്ഷിച്ചത്.
അബുദാബി അല്‍ എയിന്‍ റോഡില്‍ അപകടത്തില്‍ പെട്ട് കിടന്ന അറബ് സ്വദേശിയെ സ്വന്തം ജീവന്‍ പണയംവെച്ചാണ് ഷാനവാസ് രക്ഷിച്ചത്. തുടര്‍ന്ന് അബുദാബി പോലീസ് ഇവരെ ആദരിക്കുകയും ചെയ്തു.
ഇരുവരും വീക്കെന്‍ഡ് ആഘോഷിക്കാന്‍ പോകുമ്പോഴാണ് റോഡില്‍ വെച്ച് മുന്നില്‍ ഒരു പിക്കപ്പ് നിര്‍ത്തിയിരിക്കുന്നത് കണ്ടത്. ഉടന്‍ ഷാനവാസ് തന്റെ കാര്‍ നിര്‍ത്തി ഇറങ്ങി ചെന്നപ്പോള്‍ കണ്ടത് അപകടത്തില്‍ പെട്ട വാഹനമാണ്. വാഹനത്തിനുള്ളില്‍ ഉണ്ടായിരുന്ന അറബ് വംശജന് സാരമായ പരുക്ക് പറ്റിയിരുന്നു. തുടര്‍ന്ന് ഷാനവാസ് അപകടം പറ്റിയ യുവാവിനെ സ്വന്തം കാറില്‍ കയറ്റുവാന്‍ ശ്രമിച്ചു.
ഇതിനിടെ ഷാനവാസിന്റെ ഭാര്യ ആലിയ അബുദാബി പോലീസിനെ വിവരം അറിയിക്കുകയായിരുന്നു. തുടര്‍ന്ന് പോലീസ് എത്തി നിന്ത്രണം ഏറ്റെടുത്തു. അമിത വേഗതയിലെത്തിയ വാഹനങ്ങള്‍ക്കിടയില്‍ നിന്ന് സാഹസികമായാണ് ഷാനവാസ് അറബ് യുവാവിനെ രക്ഷിച്ചത്.
Post Your Comments