മുംബൈ : റിലയന്‍സ് ജിയോയുടെ ജൈത്രയാത്ര തുടരുന്നു. ജിയോ ഇനി വിദേശ രാഷ്ട്രങ്ങളിലും. പ്രവാസികള്‍ക്ക് വന്‍ ഓഫറുകള്‍. രാജ്യത്തെ മുന്‍നിര ടെലികോം സേവന ദാതാക്കളായ റിലയന്‍സ് ജിയോ കൂടുതല്‍ ഓഫറുകളുമായി രംഗത്ത്. രാജ്യാന്തര വിപണിയിലും ശക്തമായ മുന്നേറ്റം ലക്ഷ്യമിട്ട് ജിയോ കൂടുതല്‍ ഓഫറുകള്‍ പ്രഖ്യാപിച്ചു. വിദേശ രാജ്യങ്ങളില്‍ സന്ദര്‍ശനം നടത്തുന്നവര്‍ക്കും പ്രവാസികള്‍ക്കും ഏറെ ഉപകാരപ്പെടുന്ന ഓഫറുകളും പ്ലാനുകളുമാണ് ജിയോ അവതരിപ്പിച്ചത്.
ഏറ്റവും കുറഞ്ഞ നിരക്കിലുള്ള രാജ്യാന്തര റോമിങ് നിരക്കുകളും ജിയോ പുറത്തുവിട്ടു. ഡേറ്റ, കോള്‍, എസ്എംഎസ് സേവനങ്ങള്‍ക്ക് 2-2-2 രീതിയിലാണ് നിരക്കുകള്‍ ഈടാക്കുക. ഒരു മിനിറ്റ് കോളിന് രണ്ടു രൂപയും ഒരു എംബി ഡേറ്റയ്ക്ക് രണ്ടു രൂപയും എസ്എംഎസിന് രണ്ടു രൂപയുമാണ് ഈടാക്കുക.
ഇതിനു പുറമെ 500 രൂപയ്ക്ക് ഒരു ദിവസത്തേക്ക് ജിയോ വഴി അണ്‍ലിമിറ്റഡ് സര്‍വീസ് ആസ്വദിക്കാം. കോള്‍, ഡേറ്റ, എസ്എംഎസ് എല്ലാം ഇതില്‍ ഉള്‍പ്പെടും. ലോകത്തെ 170 രാജ്യങ്ങളില്‍ ജിയോയ്ക്ക് സേവനം ലഭിക്കുമെന്നാണ് കമ്പനി വക്താവ് അറിയിച്ചത്.
Post Your Comments