പുല്‍വാമ: പുല്‍വാമയില്‍ ഏറ്റുമുട്ടലില്‍ ഒരു ജവാന് വീരമൃത്യു. ജമ്മുകാശ്മീരിലെ പുല്‍വാമയില്‍ സൈനികരും തീവ്രവാദികളും തമ്മിലുണ്ടായ ആക്രമണത്തിലാണ് ഒരു സിആര്‍പിഎഫ് ജവാന് കൊല്ലപ്പെട്ടത്. ജമ്മു കശ്മീരിലെ പുല്‍വാമ ജില്ലയില്‍ തീവ്രവാദികളുമായി ഏറ്റുമുട്ടലിലാണ് സി.ആര്‍.പി.എഫ് ജവാന് കൊല്ലപ്പെട്ടത്.
ബര്‍ഗാം ഗ്രാമത്തിലെ സുരക്ഷാ സേന കഴിഞ്ഞയാഴ്ച ഒരു പ്രവര്‍ത്തനം ആരംഭിച്ചതോടെയാണ് ഏറ്റുമുട്ടല്‍ ആരംഭിച്ചത്. പുല്‍വാമയിലെ ഗ്രാമത്തിലെ ഒരു വീട്ടില്‍ മൂന്ന് ഭീകരരുടെ സാന്നിധ്യമുള്ളതായി സൈന്യത്തിന് വിവരം ലഭിച്ചിരുന്നു
കഴിഞ്ഞ ആഴ്ച ഷോപിയാനിലെ ഏറ്റുമുട്ടലില്‍ കശ്മീര്‍ യൂണിവേഴ്‌സിറ്റിയിലെ സോഷ്യോളജി വിഭാഗം അസിസ്റ്റന്റ് പ്രൊഫസര്‍ മുഹമ്മദ് റാഫി ഭാട്ട് ഉള്‍പ്പെടെ അഞ്ചു ഭീകരര്‍ കൊല്ലപ്പെട്ടു. ഏറ്റുമുട്ടലിന് രണ്ട് ദിവസം മുമ്പ് ഭട്ട് കാണാതായിരുന്നു. തുടര്‍ന്നുണ്ടായ പ്രതിഷേധങ്ങളില്‍ അഞ്ചു സാധാരണക്കാരും കൊല്ലപ്പെട്ടു.
Post Your Comments