റിയാദ്•സൗദി തലസ്ഥാന നഗരമായ റിയാദിനെ ലക്ഷ്യമിട്ടെത്തിയ രണ്ട് മിസൈലുകള്‍ സൗദി എയര്‍ ഡിഫന്‍സ് തകര്‍ത്തു. ബുധനാഴ്ച രാവിലെ 7.18 മണിയോടെയാണ് ഹൂതി വിമതര്‍ തൊടുത്തുവിട്ട മിസൈല്‍ സൗദി വ്യോമസേനയുടെ വ്യോമ പ്രതിരോധ സംവിധാനങ്ങള്‍ തകര്‍ത്തതെന്ന് സൗദി സഖ്യസേന വക്താവ് കേണല്‍ തുര്‍ക്കി അല്‍ മാല്‍ക്കി പറഞ്ഞു.
യെമനിലെ സദാ ഗവര്‍ണറേറ്റില്‍ നിന്നാണ് സൗദിയിലേക്ക് മിസൈല്‍ വിക്ഷേപിച്ചതെന്നും അദ്ദേഹം പറഞ്ഞു. ഇറാന്‍ പിന്തുണയോടെ ഹൂതി വിമതന്‍ ഐക്യരാഷ്ട്രസഭയുടെ പ്രമേയങ്ങള്‍ ലംഘിക്കുകയാണെന്നും സൗദി അറേബ്യയുടെ സുരക്ഷയ്ക്ക് ഭീഷണി ഉയര്‍ത്തുകയാണെന്നും അദ്ദേഹം കൂട്ടിച്ചേര്‍ത്തു.
Post Your Comments