തിരുപ്പതി: മരണത്തിന് മുന്നിൽ നിന്ന് പെൺകുട്ടിയെ രക്ഷിച്ച് ട്രാഫിക് പോലീസ്. തിരക്കേറിയ തിരുപ്പതി ലീലാ മഹള്‍ സര്‍ക്കിളിലാണ് സംഭവം. സൈക്കിളുമായി റോഡ് മുറിച്ചുകടക്കുന്നതിനിടെ വലത് വശത്തുനിന്നെത്തിയ ബസ് പെണ്‍കുട്ടിയെ ഇടിച്ചുതെറിപ്പിക്കുന്ന തരത്തില്‍ മുന്നോട്ടെത്തുകയായിരുന്നു. ബസ് അമിത വേഗത്തിൽകയിരുന്നില്ല. എന്നാൽ ഡ്രൈവറുടെ അശ്രദ്ധയായിരുന്നു അപകടത്തിന് കാരണമായത്. പെൺകുട്ടിയെ ബസ് ഇടിക്കുന്നത് കണ്ട ട്രാഫിക് പോലീസ് സ്വന്തം ജീവൻ പോലും പണയപ്പെടുത്തി പെൺകുട്ടിയെ ബസിന് മുന്നിൽ നിന്ന് പിടിച്ചു മാറ്റി. ഈ ദൃശ്യങ്ങളാണ് ഇപ്പോൾ വൈറലാകുന്നത്.
ALSO READ:യുഎഇയിൽ ട്രക്കുകൾ കൂട്ടിയിടിച്ചുണ്ടായ അപകടത്തിൽ പ്രവാസി വെന്തുമരിച്ചു
ബസിന്‍റെ മുന്‍ചക്രം കയറി കുട്ടിയുടെ സൈക്കിള്‍ തവിടു പൊടിയായി.സമീപത്തെ കെട്ടിടങ്ങളുടെ സിസിടിവിയില്‍ പതിഞ്ഞ ദൃശ്യങ്ങളില്‍ നിന്നാണ് ദുരന്തമൊ‍ഴിവാക്കിയ പോലീസുകാരന്റെ സാഹസികത ലോകമറിഞ്ഞത്. വീഡിയോ വൈറലായതോടെ പൊലീസ് ഉദ്യോഗസ്ഥന് സമൂഹമാധ്യമങ്ങളിൽ അഭിനന്ദനപ്രവാഹമാണ് ഉണ്ടായത്.
Post Your Comments