ഒരു മണിക്കൂറില്‍ റോഡപകടങ്ങളില്‍ പൊലിയുന്നത് ശരാശരി 17ജീവനുകള്‍; കണക്കുകള്‍ പുറത്ത്

ആഗോള റോഡ്‌ സുരക്ഷാ ദിനം ആഘോഷിക്കപ്പെടുകയാണ്. മേയ് എട്ടുമുതല്‍ പതിനാലുവരെ നീളുന്ന ദിവസങ്ങളിലായി റോഡ്‌ സുരക്ഷാ വാരം ആഘോഷിക്കുമ്പോള്‍ നമ്മുടെ രാജ്യത്തെ റോഡപകടങ്ങളിലെയ്ക്ക് ഒരു തിരിഞ്ഞു നോട്ടം. ഓരോ അമ്മമാരും അല്ലെങ്കില്‍ വീട്ടുകാരും നമ്മളില്‍ ഒരാള്‍ പുറത്തു പോകുമ്പോള്‍ അകാശയോടെ തിരികെ എത്തുന്നതും കാത്തിരിക്കുന്നത് ദിനം പ്രതി പത്രമാധ്യമങ്ങളില്‍ വരുന്ന ഈ അപകട മരണങ്ങളില്‍ വേവലാതി പൂണ്ടാണ്‌. ഒരു അപകടവും സംഭവിക്കാതെ തിരികെ എത്തണമെന്ന പ്രാര്‍ത്ഥനയോടെ അവര്‍ ഇരിക്കുമ്പോള്‍ നമ്മള്‍ കാണിക്കുന്ന ചെറിയൊരു അശ്രദ്ധ നമ്മുടെ ജീവനെടുക്കുന്നു.

ഒരു മണിക്കൂറില്‍ അന്‍പത്തിയഞ്ചു അപകടങ്ങളിലായി പതിനേഴുപേര്‍ ശരാശരി മരിക്കുന്നുവെന്നാണ് കഴിഞ്ഞ വര്‍ഷത്തെ കണക്കുകള്‍ സൂചിപ്പിക്കുന്നത്. കഴിഞ്ഞ ബുനാഴ്ച പുറത്തുവിട്ട കണക്കുകള്‍ പ്രകാരം മണിക്കൂറില്‍ പത്തിലധികം ജീവനുകള്‍ പൊലിയുന്നു! ഈ അപകടങ്ങളില്‍ മരിക്കുന്നതില്‍ ഭൂരിഭാഗവും 18-35 വയസുള്ളവരാണ്. ഈ കണക്കുകള്‍ പ്രകാരം മൊത്തം റോഡപകടങ്ങളുടെ നിരക്ക് 4.1 ശതമാനമായി കുറഞ്ഞപ്പോള്‍ മരണനിരക്ക് 3.2 ശതമാനമായി വർധിച്ചു. അതായത് 400 ൽപ്പരം ആളുകൾ റോഡപകടത്തിൽ മരിച്ചു. കഴിഞ്ഞ വർഷം ഇന്ത്യയിൽ 4,80,652 റോഡപകടങ്ങളാണ് നടന്നത്. ഇതിൽ 1,50,785 പേർ മരിച്ചു. 4,94,624 പേർക്ക് പരിക്കേറ്റു.

റോഡ് ഗതാഗതം, ദേശീയപാത വികസന മന്ത്രി നിഥിൻ ഗഡ്കരി എന്നിവര്‍ പുറത്തുവിട്ട റിപ്പോർട്ടിലാണ് ഇക്കാര്യം വ്യക്തമാക്കുന്നത്. റോഡ് അപകടങ്ങളിൽ 46.3 ശതമാനം പേരും 18-35 വയസ്സ് പ്രായമുള്ളവരാണ്. പോലീസിന്റെ കണക്കുകൾ അനുസരിച്ച്, റോഡപകടങ്ങളുടെ ഉത്തരവാദിത്തം (84 ശതമാനം), കൊലപാത (80.3 ശതമാനം), അപകടങ്ങൾ (83.9 ശതമാനം) എന്നിവ ഡ്രൈവർമാരുടെ തകരാർ മൂലമാണ്.

ഗതാഗത മന്ത്രാലയം പുറത്തിറക്കിയ കണക്കുകൾ പ്രകാരം ഏറ്റവും കൂടുതൽ റോഡപകടങ്ങൾ നടന്നത് ചെന്നൈയിൽ – 7,486. ഡൽഹിയിൽ 7,375 ഉം ബംഗളുരു 5,323 ഉം ഇൻഡോർ 5,143 ഉം കൊൽക്കത്തയിൽ 4,104 ഉം ആണ്. അപകടങ്ങളില്‍ രണ്ടാമത് ആണെങ്കിലും മരണങ്ങളെ സംബന്ധിച്ച് ഡൽഹി മുന്നിലാണ്. കഴിഞ്ഞ വർഷത്തെ റോഡപകടങ്ങളിൽ 1,591 പേർ ഡല്‍ഹിയില്‍ മരിച്ചു. ചെന്നൈയിൽ മരണ സംഖ്യ 1,183 ആയിരുന്നു. മറ്റു രണ്ട് ഇന്ത്യൻ മെട്രോ നഗരങ്ങളായ ജയ്പുർ, ബാംഗ്ലൂര്‍ എന്നിവിടങ്ങളില്‍ യഥാക്രമം 890, 835 എന്നിങ്ങനെയാണ് റോഡപകട നിരക്കുകള്‍. എന്നാല്‍ റോഡപകടങ്ങളിൽ മുംബൈ സുരക്ഷിതമാണ്. 562 മരണങ്ങളാണ് അവിടെ നടന്നത്.

സർവേ പ്രകാരം തമിഴ്നാട്ടിൽ 71,431 അപകടങ്ങളാണ് ഉണ്ടായത്. മറ്റു സംസ്ഥാനങ്ങളുടെ നിരക്കുകള്‍ ഇങ്ങനെ മധ്യപ്രദേശ് (53,972), കർണാടക 44,403, മഹാരാഷ്ട്ര 39,878, കേരളം 39,420. ഉത്തർപ്രദേശിൽ റോഡപകടങ്ങളിൽ കൊല്ലപ്പെട്ടവരുടെ എണ്ണം 19,320 ൽ നിന്നും 12.8 ശതമാനമായി ഉയർന്നു. ഇരുചക്രവാഹനങ്ങളുടെ മൊത്തം റോഡപകടങ്ങളുടെ എണ്ണം 2015 ൽ 28.8 ശതമാനമായിരുന്നത് 2016 ൽ 33.8 ശതമാനമായി വർധിച്ചു. ഇരുചക്രവാഹനങ്ങൾ അപകടത്തിലായവരുടെ എണ്ണം 52,500 ആണ്. ഇതിൽ 10,135 കേസുകളിൽ ഇരകൾ ഹെൽമെറ്റ് ധരിച്ചിരുന്നില്ല.

മുൻ വർഷത്തെ റോഡപകടങ്ങളുടെ എണ്ണത്തില്‍ നിന്നും 2016 ൽ 4.1 ശതമാനമായി കുറഞ്ഞു. കഴിഞ്ഞ 12 വർഷത്തിനുള്ളിൽ ഏറ്റവുമധികം വാഹനാപകടങ്ങൾ 2015 – 5,01,423 ആണ്. ഏറ്റവും കുറഞ്ഞ എണ്ണം 2005 ൽ 4,39,255 ആയിരുന്നു. 2016 ൽ റോഡപകടങ്ങളിൽ പരിക്കേറ്റവരുടെ എണ്ണം 4,94,624 ആയി കുറഞ്ഞു. 2015 ൽ അത് 5,00,279 ആയിരുന്നു.