ജിയോയുമായി മത്സരിക്കാൻ മറ്റൊരു പ്ലാനുമായി ബിഎസ്‌എന്‍എല്‍

ജിയോയുമായി മത്സരിക്കാൻ മറ്റൊരു പ്ലാനുമായി ബിഎസ്‌എന്‍എല്‍. 90 ദിവസ കാലാവധിയുള്ള 319 രൂപയുടെ പ്ലാനും 26 ദിവസ കാലാവധിയുള്ള 99 രൂപയുടെ പ്ലാനും അവതരിപ്പിച്ചതിനു പിന്നാലെയാണ് 349 രൂപയുടെ പ്ലാൻ അവതരിപ്പിച്ചത്. പ്രതിദിനം ഒരു ജിബി ഡാറ്റ, 100 സൗജന്യ എസ്എംഎസ്, പരിധിയില്ലാത്ത കോള്‍ സൗകര്യം എന്നിവ 54 ദിവസത്തേക്ക് ഈ പ്ലാനിൽ ലഭിക്കും. സമാനമായ ജിയോ പ്ലാനിൽ പ്രതിദിനം 1.5 ജിബി ഡാറ്റ, 100 സൗജന്യ എസ്എംഎസ്, പരിധിയില്ലാത്ത കോള്‍ സൗകര്യം എന്നിവ 70 ദിവസം ലഭിക്കും.

രാജ്യത്തൊട്ടാകെ 349രൂപയുടെ പ്ലാൻ ലഭ്യമാണ്. നേരത്തെ അവതരിപ്പിച്ച 90 ദിവസ കാലാവധിയുള്ള 319 രൂപയുടെ പ്ലാനിൽ മുംബൈ, ഡല്‍ഹി സര്‍ക്കിളുകളിലൊഴികെ റോമിങ് ഉള്‍പ്പടെയുള്ള സൗജന്യ കോളുകളും,99 ദിവസത്തെ പ്ലാനില്‍ 26 ദിവസത്തെ സൗജന്യകോലുകളുമായിരിക്കും ലഭിക്കുക.

Also read ;ഇനി മുതല്‍ സൗദിയിലും ബി.എസ്.എന്‍.എല്‍ കണക്ഷനുകള്‍ ഉപയോഗിയ്ക്കാം