യുഎഇ: ലോകം മുഴുവന്‍ പ്രശസ്തമായ മൊബൈല്‍ ഗെയിം യുഎഇയില്‍ നിരോധിച്ചു. ടെലികമ്മ്യൂണിക്കേഷന്‍ റെഗുലേറ്ററി അതോറിറ്റി(ആര്‍ടിഎ)യാണ് ഇക്കാര്യം അറിയിച്ചത്. കൊലയാളി ഗെയിമായ ബ്ലൂവെയിലാണ് യുഎഇയില്‍ നിരോധിച്ചത്. അല്‍ ബയാന്‍ പത്രമാണ് ഇക്കാര്യം റിപ്പോര്‍ട്ട് ചെയ്തത്.
2016 മുതല്‍ ഗെയിമിന്റെ വാര്‍ത്തകള്‍ നിരീക്ഷിച്ച് വരികയായിരുന്നെന്ന് ആര്‍ടിഎ പറഞ്ഞു. ആത്മഹത്യയിലേക്ക് നയിക്കുന്ന ഗെയിം യുഎഇയിലും ജീവന്‍ എടുക്കുമെന്ന് ഉറപ്പായതോടെയാണ് ഗെയിം നിരോധിക്കാന്‍ തീരുമാനമായത്.
ഗെയിം യുഎഇയില്‍ നിരോധിച്ചന്നും ഗെയിമുമായി ബന്ധപ്പെട്ട ലിങ്കുകളും ആപ്ലിക്കേഷനുകളും വെബ്‌സൈറ്റുകളും ബ്ലോക്ക് ചെയ്തതെന്നും ആര്‍ടിഎ അറിയിച്ചു. കുട്ടികളുടെയും കൗമാരക്കാരുടെയും സുരക്ഷയ്ക്ക് വേണ്ടിയാണിതെന്നും ആര്‍ടിഎ വ്യക്തമാക്കുന്നു.
Post Your Comments