ലണ്ടൻ: ഡേറ്റാ ചോർത്തൽ വിവാദത്തിലേക്കു ട്വിറ്ററും. ട്വിറ്ററിൽ വിവരച്ചോർച്ച നടന്നത് ബ്രിട്ടിഷ് വിവര വിശകലന സ്ഥാപനമായ കേംബ്രിജ് അനലിറ്റിക്ക ഫെയ്സ്ബുക്കിൽനിന്നു വിവരങ്ങൾ ശേഖരിച്ചതിനു സമാന രീതിയിലാണെന്നാണ് റിപ്പോർട്ടുകൾ.
കേംബ്രിജ് അനലിറ്റിക്ക വ്യക്തിവിവരങ്ങൾ ചോർത്തിയത് കേംബ്രിജ് സർവകലാശാലയിലെ ഗവേഷകൻ അലക്സാണ്ടർ കോഗൻ വികസിപ്പിച്ച ‘ദിസ് ഈസ് യുവർ ഡിജിറ്റൽ ലൈഫ്’ എന്ന മൂന്നാംകക്ഷി ആപ്പിലൂടെയാണ്. ‘ദ് സൺഡേ ടെലഗ്രാഫ്’ ഇതേ കോഗൻ സ്ഥാപിച്ച ഗ്ലോബല്‍ സയന്‍സ് റിസര്‍ച് (ജിഎസ്‌ആര്‍)എന്ന സ്ഥാപനം 2015ല്‍ ട്വിറ്ററില്‍ നിന്ന് ഉപയോക്താക്കളുടെ വിവരങ്ങള്‍ വാങ്ങിയിട്ടുണ്ടെന്ന് റിപ്പോർട്ട് ചെയ്തു.
read also: മുന്‍ ആര്‍ബിഐ ഗവര്‍ണര്‍ക്ക് ട്വിറ്റര്‍ അക്കൗണ്ട് ഇതല്ലാത്തതിന്റെ രസകരമായ കാരണം ഇതാണ്
കോഗന്‍ സ്വന്തമാക്കിയത് 2014 ഡിസംബര്‍ മുതല്‍ 2015 ഏപ്രില്‍ വരെയുള്ള ട്വീറ്റുകള്‍, യൂസര്‍നെയിം, പ്രൊഫൈൽ ചിത്രങ്ങള്‍, പോസ്റ്റു ചെയ്ത ചിത്രങ്ങള്‍, ലൊക്കേഷന്‍ വിവരങ്ങള്‍ തുടങ്ങിയവയാണ്.
ജിഎസ്‌ആര്‍ എത്രപേരുടെ വിവരങ്ങളാണു സ്വന്തമാക്കിയതെന്നു വെളിപ്പെടുത്തിയിട്ടില്ല. അതേസമയം ‘ബ്രാൻഡ് റിപ്പോർട്ട്’, ‘സർവേ എക്സ്റ്റെൻഡർ ടൂൾസ്’ തുടങ്ങിയ ആവശ്യങ്ങൾക്കായാണു വിവരങ്ങൾ ശേഖരിച്ചതെന്നും ട്വിറ്റർ നയങ്ങൾ മറികടന്നിട്ടില്ലെന്നും വാദമുണ്ട്.
ഉപയോക്താക്കൾ പങ്കിടുന്ന ‘പൊതു അഭിപ്രായങ്ങൾ’ ശേഖരിക്കാൻ കമ്പനികൾക്കും സംഘടനകൾക്കും പണം വാങ്ങി ട്വിറ്റർ അനുവാദം നൽകിയിട്ടുണ്ട്. ഇവ പരസ്യങ്ങൾക്കും ബ്രാൻഡിങ്ങിനുമാണ് ഉപയോഗിക്കുന്നതെന്നു ട്വിറ്റർ പറയുന്നു.
Post Your Comments