സ്വകാര്യ ബസും ടെംപോ വാനും കൂട്ടിയിടിച്ച് നിരവധി പേർക്കു പരുക്ക്

കൊല്ലം: ടെംപോ വാനും സ്വകാര്യ ബസും കൂട്ടിയിടിച്ചു. കൊട്ടിയം മൈലക്കാട് ദേശീയ പാതയിലാണ് സംഭവം നടന്നത്. അപകടത്തിൽ പതിനഞ്ചു പേർക്കു പരുക്കേറ്റു. ആരുടെയും പരുക്കു ഗുരുതരമല്ല. കൊട്ടിയത്തെ രണ്ടു സ്വകാര്യ ആശുപത്രികളിലായി പരുക്കേറ്റവരെ പ്രവേശിപ്പിച്ചു. അപകടം നടന്നത് ഉച്ചയ്ക്കു 12 മണിയോടെ മൈലക്കാട് ജങ്ഷനിലായിരുന്നു.

read also: രോഗിയുമായി പോയ ആംബുലൻസ് അപകടത്തിൽപ്പെട്ടു ; പിന്നീട് സംഭവിച്ചത്

ഒരു യാചകൻ പെട്ടെന്നു റോഡ് മുറിച്ചുകടക്കവെ ഇയാളെ ഇടിക്കാതിരിക്കാൻ വാൻ വെട്ടി തിരിച്ചതാണ് അപകടത്തിനു കാരണമെന്ന് പറയുന്നു. നിയന്ത്രണം വിട്ട വാൻ, എതിരെ വന്ന വർക്കല–കൊട്ടിയം റൂട്ടിൽ സർവീസ് നടത്തുന്ന ബസിൽ ഇടിക്കുകയായിരുന്നു.