കൊച്ചി: കൊച്ചിയില്‍ പാചകവാതക ടാങ്കര്‍ ലോറി മറിഞ്ഞു. അപകടത്തിൽ ലോറി ഡ്രൈവര്‍ക്കും ക്ലീനര്‍ക്കും നിസ്സാര പരിക്കേറ്റു. കൊച്ചി തൃക്കാക്കര ഭാരത് മാതാ കോളേജിന് സമീപം സീ പോര്‍ട്ട് എയര്‍ പോര്‍ട്ട് റോഡിലാണ് അപകടം ഉണ്ടായത്.
പോലീസും ഫയര്‍ഫോഴ്സും സ്ഥലത്തെത്തി പരിശോധന നടത്തി ടാങ്കറിന് ചോര്‍ച്ചയില്ലെന്ന് ഉറപ്പു വരുത്തി. എങ്കിലും സീ പോര്‍ട്ട് എയര്‍പോര്‍ട്ട് റോഡില്‍ ഗതാഗത നിയന്ത്രണം ഏര്‍പ്പെടുത്തി. മറ്റൊരു വാഹനത്തെ മറികടക്കവേ ലോറി നിയന്ത്രണം വിട്ട് മറിയുകയായിരുന്നു. ആശങ്കപ്പെടാനില്ലന്ന് പോലീസ് അറിയിച്ചു .
Post Your Comments