സുപ്രീം കോടതി ജഡ്‌ജിയായി ഇന്ദുമൽഹോത്ര സത്യപ്രതിജ്ഞ ചെയ്‌തു

ന്യൂഡൽഹി: സുപ്രീം കോടതി ജഡ്‌ജിയായി ഇന്ദുമൽഹോത്ര സത്യപ്രതിജ്ഞ ചെയ്‌തു. സുപ്രീംകോടതി ജഡ്‌ജിയായി നിയമിക്കപ്പെടുന്ന ആദ്യ വനിത അഭിഭാഷകയാണ് ഇന്ദുമല്‍ഹോത്ര.

also read: സുപ്രീം കോടതി ജഡ്‌ജിയായി ഇന്ദു മൽഹോത്ര ; ശുപാർശ അംഗീകരിച്ചു

കഴിഞ്ഞദിവസമാണ് ഇന്ദുമല്‍ഹോത്രയെ ജഡ്ജിയായി നിയമിച്ചു കൊണ്ടുള്ള ഉത്തരവ് രാഷ്ട്രപതി ഭവനില്‍ നിന്നുണ്ടായത്.സീനിയോറിറ്റി പ്രശ്നം ചൂണ്ടിക്കാട്ടി കെ.എം. ജോസഫി​​ന്റെ പേര്​ കേന്ദ്രസര്‍ക്കാര്‍ തിരിച്ചയച്ചിരുന്നു.

തുടര്‍ന്ന്​, ജോസഫിനെ സുപ്രീം കോടതി ജഡ്​ജിയാക്കുന്നതുവരെ അദ്ദേഹത്തോടൊപ്പം ശിപാര്‍ശ ചെയ്യപ്പെട്ട ഇന്ദു മല്‍ഹോത്ര സത്യപ്രതിജ്​ഞ ചെയ്യരുതെന്ന ആവശ്യപ്പെട്ട്​ പ്രമുഖ സുപ്രീം കോടതി അഭിഭാഷക ഇന്ദിരാ ജെയ്​സിങ്​ രംഗത്തു വന്നിരുന്നു. ഇൗ ആവശ്യമുന്നയിച്ച്‌​ ചീഫ്​ ജസ്​റ്റിസ്​ അധ്യക്ഷനായ ബെഞ്ചിനുമുന്നി​ലെത്തി​യെങ്കിലും ആവശ്യം തള്ളുകയായിരുന്നു.