ബിസ്ക്കറ്റ് വാങ്ങാനായി കടയിൽ പോയി, ആറുവയസുകാരിയെ പിന്നീട് കണ്ടത് പീഡിപ്പിച്ച് ഉപേക്ഷിച്ച നിലയിൽ

ഭുവനേശ്വർ: ആറുവയസുകാരിയെ പീഡനത്തിനിരയാക്കിയ ശേഷം ക്രൂരമായി ആക്രമിച്ച്‌ സ്‌കൂളിൽ ഉപേക്ഷിച്ചു. കട്ടക്കിലെ ജഗനാഥ്‌പൂരിലാണ് സംഭവം. കടയിൽ സാധനം വാങ്ങാനായി പോയ ആറുവയസുകാരി ഏറെ നേരം വൈകിയിട്ടും തിരികെയെത്തിയില്ല. കുട്ടിയെ കാണാതായതോടെ ബന്ധുക്കളും സമീപവാസികളും കുട്ടിയെ തിരക്കിയിറങ്ങി. ഏറെ നേരത്തെ തിരച്ചിലിനൊടുവിൽ കുട്ടിയെ സ്‌കൂളിനുള്ളിൽ നിന്ന് കണ്ടെത്തി. കുട്ടിയുടെ വസ്ത്രങ്ങളില്ലാതെ ബോധംനഷ്ടമായ അവസ്ഥയിൽ കണ്ടെത്തുകയായിരുന്നു. ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു.

also read: സ്വന്തം മക്കളെ രണ്ട് വര്‍ഷമായി ലൈംഗിക പീഡനത്തിനിരയാക്കിയ പ്രമുഖ ഫാഷന്‍ ഡിസൈനര്‍ അറസ്റ്റില്‍

കുട്ടിയുടെ സ്വകാര്യ ഭാഗങ്ങളിലുൾപ്പെടെ സാരമായ മുറിവുകൾ ഉണ്ടായിട്ടുണ്ടെന്ന് ആശുപത്രി അധികൃതർ പറഞ്ഞു. സംഭവവുമായി ബന്ധപ്പെട്ട് പെൺകുട്ടിയുടെ ഗ്രാമത്തിലെ 25കാരനായ യുവാവിനെ പോലീസ് ക്ലസ്റ്റഡിയിൽ എടുത്തു. കുട്ടിയുടെ ചികിത്സാ ചിലവ് സംസ്ഥാനസർക്കാർ ഏറ്റെടുത്തിട്ടുണ്ട്. പോക്‌സോ നിയമം ചുമത്തി പ്രതിക്കെതിരെ കേസെടുത്തു.