ദുബായ്: ദുബായില്‍ ജോലി അന്വേഷിച്ച് എത്തിയ യുവതിക്ക് നേരെ പീഡന ശ്രമം. ജോലി വാഗ്ദാനം ചെയ്ത് യുവതിയെ തന്റെ അമ്മയുടെ ഉടമസ്ഥതയിലുള്ള വില്ലയിലേക്ക് വിളിച്ചു വരുത്തി 46കാരന്‍ പീഡിപ്പിക്കാന്‍ ശ്രമിക്കുകയായിരുന്നു.
സംഭവത്തില്‍ യുവാവിനെ പോലീസ് പിടികൂടി. ഫിലിപ്പിയനില്‍ നിന്നും ജോലി തേടിയെത്തിയ യുവതിക്കാണ് ദുരനുഭവം നേരിടേണ്ടി വന്നത്. ജോലി വാഗ്ദാനം നല്‍കിയപ്പോള്‍ യുവതി ദുബായ് സ്വദേശിയെ വിശ്വസിക്കുകയായിരുന്നു. തനിക്ക് ടൂറിസം ഏജന്‍സി ഉണ്ടെന്നും അവിടെ ജോലി നല്‍കാമെന്നും പറഞ്ഞായിരുന്നു യുവതിയെ വിളിച്ചുവരുത്തിയത്.
തുടര്‍ന്ന് വില്ലയിലെത്തിയ യുവതിയെ ദുബായ് നിവാസി മുറിയിലേക്ക് വലിച്ചുകയറ്റി മര്‍ദ്ദിക്കാന്‍ തുടങ്ങി. തുടര്‍ന്ന് തന്നെ അനുസരിക്കാന്‍ അയാള്‍ യുവതിയെ ഭീഷണിപ്പെടുത്തി. തുടര്‍ന്ന് ഒരു വിധത്തില്‍ യുവതി ഇവിടെ നിന്നും രക്ഷപ്പെടുകയായിരുന്നു. കഴിഞ്ഞ ജനുവരി 31നാണ് സംഭവം ഉണ്ടായത്. കേസിന്റെ വിചാരണ തുടരുകയാണ്.
Post Your Comments