കൊച്ചി: മാര്‍ത്തോമ സുറിയാനി സഭ റവ.ഡോ.ഗീവർഗീസ് മാർ അത്താനാസ്യോസ് സഫ്രഗൺ മെത്രാപ്പോലീത്ത അന്തരിച്ചു. 74 വയസ്സായിരുന്നു. മാര്‍ത്തോമ സഭയുടെ റാന്നി നിലക്കല്‍ ഭദ്രാസന അധിപനായിരുന്നു. ഏറെ നാളായി വൃക്ക സംബന്ധമായ അസുഖങ്ങളെ തുടര്‍ന്ന് ചികിത്സയിലായിരുന്നു. ഇന്ന് പുലര്‍ച്ചെ നാലയോടെ കൊച്ചിയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് അന്ത്യം. തിരുവല്ല നെടുബ്രം മുളമൂട്ടില്‍ ചിറയില്‍കണ്ടത്തില്‍ പരേതരായ സി.ഐ.ഇടിക്കുളയുടെയും ആച്ചിയമ്മയുടെയും മകനാണ് ഗീവര്‍ഗീസ് മാര്‍ അത്തനാസിയോസ്. റാന്നി-നിലയ്ക്കല്‍ ഭദ്രാസനാധ്യക്ഷനായ റവ.ഡോ.ഗീവർഗീസ് മാർ അത്താനാസ്യോസ് സഫ്രഗൺ മെത്രാപ്പോലീത്ത 1969 ജൂണ്‍ 14 നാണ് വൈദികനായത്. 1989 ഡിസംബര്‍ 9 ന് ഡോ.അലക്സാണ്ടര്‍ മാര്‍ത്തോമ്മാമെത്രാപ്പോലീത്ത മേല്‍പ്പട്ടസ്ഥാനത്തേക്ക് ഉയര്‍ത്തി. 2015 ഒക്ടോബറിലാണ് സഫ്രഗന്‍ മെത്രാപ്പൊലീത്തയായി ഉയര്‍ത്തപ്പെട്ടത്.
READ MORE:മാര്‍ത്തോമ്മാ സഭയുടെ യുവജനസഖ്യം തെരഞ്ഞെടുപ്പ് വൻ വിവാദത്തിലേക്ക്
മുംബൈ, ഡല്‍ഹി, കോട്ടയം, കൊച്ചി ഭദ്രാസനങ്ങളുടെ അധ്യക്ഷന്‍, മാര്‍ത്തോമ്മാ വൈദിക സെമിനാരി ഗവേണിങ് ബോര്‍ഡ് ചെയര്‍മാന്‍, നാഷണല്‍ മിഷനറി സൊസൈറ്റി പ്രസിഡന്‍റ് എന്നീ സ്ഥാനങ്ങളില്‍ ഇരുന്നിട്ടുണ്ട്. വെള്ളിയാഴ്ച 10 മണിക്ക് തുടങ്ങുന്ന സംസ്കാരചടങ്ങില്‍ മറ്റ് സഭാധ്യക്ഷന്‍മാരും പങ്കെടുക്കും.
Post Your Comments