വധുവിനെ കണ്ടെത്താന്‍ തെന്നിന്ത്യന്‍ താരം ആര്യ നടത്തുന്ന റിയാലിറ്റി ഷോ പരിസമാപ്തിയിലേക്ക്. ആര്യയുടെ വധു അവസാന റൌണ്ടില്‍ നില്‍ക്കുന്ന മൂന്നു പേരില്‍ ആരാകും എന്ന ചര്‍ച്ച പുരോഗമിക്കുകയാണ്. ശ്രീലങ്കന്‍ സ്വദേശി സൂസന്ന, മലയാളികളായ സീതാലക്ഷ്മി, അഗത എന്നിവരാണ് ഫൈനലില്‍ മാറ്റുരയ്ക്കുന്ന മൂന്നു പേര്‍. ഇവരില്‍ സൂസന്നയുടെ മകനുമായി ആര്യ കഴിഞ്ഞ ദിവസം പാര്‍ക്കില്‍ പോയിരുന്നു. ആര്യയുടെ വധു സൂസന്ന ആകുമോ എന്ന സംശയത്തിലാണ് ആരാധകര്‍.
“ഈ പരിപാടിക്കിടയില്‍ പതിനാറ് മത്സരാര്‍ഥികളുടെയും പ്രിയപ്പെട്ടവരെ ഞാന്‍ കണ്ടു. അവരെല്ലാം എന്റെ മനസോടു ചേര്‍ന്ന് നില്‍ക്കുന്നവരുമാണ്. എന്നാല്‍ ഒരു വ്യക്തിയെ കാണാനാണ് ഞാന്‍ ഏറെ നാളായി കാത്തിരിക്കുന്നത് ഇന്നത് നടക്കാന്‍ പോവുകയാണ്. ഞാന്‍ വളരെ ആവേശത്തിലും സന്തോഷത്തിലുമാണ്”. നഥാനെ കാണാന്‍ പോകുന്നതിന് മുന്‍പ് ആര്യ പറഞ്ഞിരുന്നു. നഥാന്‍ സംസാരിക്കാനൊക്കെ അല്പം വിമുഖനാണെങ്കിലും താനുമായി നല്ല കൂട്ടായെന്നാണ് ആര്യ പിന്നീട് പറഞ്ഞു. മൂവരും ഒരുമിച്ചുള്ള ചിത്രങ്ങള്‍ പങ്കുവച്ചതോടെ ഇതൊരു ഉത്തമ കുടുംബമാണെന്നും ആര്യ സുസന്നയെ തന്നെ വിവാഹം ചെയ്താല്‍ മതിയെന്നുമാണ് സുസന്നയുടെ ആരാധകരുടെ അഭിപ്രായം.
സുസന്നയാണ് ഏറ്റവും പ്രായം കൂടിയ മത്സരാര്‍ഥി. മുപ്പത്തിമൂന്നുകാരിയായ സൂസന്ന വിവാഹമോചിതയാണ്. കാനഡയിലാണ് ഇപ്പോള്‍ താമസം.
വധുവിനായുള്ള റിയാലിറ്റി ഷോയ്ക്കിടെ താൻ വിവാഹിതനാണെന്ന ഞെട്ടിക്കുന്ന വെളിപ്പെടുത്തലുമായി നടൻ ആര്യ
Post Your Comments