ഹോണ്ടുറാസ്: നങ്കൂരമിടാന്‍ ശ്രമിച്ച ആഢംബര കപ്പലിടിച്ച് കടല്‍പ്പാലം തകര്‍ന്നു. 65,000 ടണ്‍ ഭാരമുള്ള എംഎസ്സി അര്‍മോണിയ എന്ന ആഡംബര കപ്പല്‍ ഹോണ്ടുറാസിലെ ഇസ്ലാ റോട്ടന്‍ തുറമുഖത്തെ പാലത്തിൽ ഇടിക്കുന്ന വീഡിയോ ആണ് സമൂഹ മാധ്യമങ്ങളിൽ ഇപ്പോൾ വൈറൽ ആയികൊണ്ടിരിക്കുന്നത്. സംഭവം കണ്ടുനിന്ന ഒരാൾ പകർത്തിയ വീഡിയോ ദൃശ്യങ്ങളാണ് ഇപ്പോൾ പ്രചരിക്കുന്നത്.
നങ്കൂരമിടാന്‍ ശ്രമിക്കുന്നതിനിടെ കപ്പലിന്റെ നിയന്ത്രണം നഷ്ടപ്പെട്ടു. ഉടൻ തന്നെ കടല്‍പ്പാലത്തിലിടിക്കുന്നത് തടയാന്‍ ജീവനക്കാര്‍ പരമാവധി ശ്രമിച്ചെങ്കിലും നടന്നില്ല. അപകടത്തില്‍ ആര്‍ക്കും പരിക്കേറ്റതായി റിപ്പോര്‍ട്ടുകളില്ലെന്നും സംഭവത്തെ കുറിച്ച് അന്വേഷിക്കുകയാണെന്നും അധികൃതർ അറിയിച്ചു.
വീഡിയോ ചുവടെ ;
Post Your Comments