പാറ്റ്‌ന : കത്ത്വയില്‍ പെണ്‍കുട്ടി ക്രൂരമായി പീഡിപ്പിക്കപ്പെട്ട സംഭവത്തിന്റെ ഞെട്ടല്‍ മാറുന്നതിന് മുന്‍പെ മറ്റൊരു പീഡനവാര്‍ത്ത കൂടി വാര്‍ത്തകളില്‍ ഇടം പിടിക്കുന്നു. സംഭവത്തില്‍ മെരാജ് അലം മിയാന്‍ (27) എന്നയാളെ പോലീസ് അറസ്റ്റ് ചെയ്തു. ബുധനാഴ്ചയായിരുന്നു സംഭവം. ചോക്ലേറ്റ് നല്‍കി കുട്ടിയേയും കൂട്ടി മെരാജ് മിയാൻ അടുത്തുള്ള കുടിലില്‍ എത്തി അവിടെ വെച്ച്‌ പീഡിപ്പിക്കുകയായിരുന്നു.
കുട്ടിയുടെ ഉറക്കെയുള്ള കരച്ചിൽ കേട്ട് ഓടിയെത്തിയ അമ്മാവന്‍ ദേവാനന്ദ ശര്‍മ്മ കണ്ടത് കുടിലിന് വെളിയിലേക്ക് വരുന്ന മെരാജിനെയാണ്. കുടിലിനുള്ളില്‍ കുട്ടി ചോരയൊലിച്ച്‌ കിടക്കുന്ന നിലയിലായിരുന്നു. ഉടന്‍ തന്നെ കുട്ടിയെ അടുത്തുള്ള ആശുപത്രിയില്‍ പ്രവേശിപ്പിച്ചു. കുട്ടി ഇപ്പോഴും ഗുരുതരാവസ്ഥയിലാണുള്ളത്. പ്രതിയായ മിയാന്‍ പോലീസ് കസ്റ്റഡിയിലാണുള്ളത്. പ്രദേശത്ത് തയ്യല്‍കട നടത്തുന്നയാളാണ് മേരാജ്.
സംഭവത്തെത്തുടര്‍ന്ന് നിരവധിയാളുകളാണ് പ്രതിഷേധവുമായി രംഗത്ത് വന്നിരിക്കുന്നത്. ഗ്രാമവാസികള്‍ കാര്‍ഹര്‍ സ്റ്റേഷന്‍ സ്ഥിതിചെയ്യുന്ന സരസം-ബക്‌സര്‍ പാത മണിക്കൂറുകളോളം തടഞ്ഞ് പ്രതിഷേധിച്ചു. ശിക്ഷ വേഗത്തിലാക്കണമെന്ന് ആവശ്യപ്പെട്ടാണ് അഞ്ഞൂറിലധികം വരുന്ന ഗ്രാമവാസികള്‍ തെരുവിലിറങ്ങിയത്.
Post Your Comments