കുവൈറ്റ്: ഇസ്ര വൽ മിറാജ് അവധി ദിവസങ്ങൾ പ്രഖ്യാപിച്ചു. ഏപ്രില്‍ 15 ഞായറാഴ്ച ആയിരിക്കും ഈ വര്‍ഷത്തെ ഇസ്ര വല്‍ മിറാജ് ദിനം. ഇതോടെ മൂന്ന് ദിവസം വാരാന്ത്യ അവധിയാണ് കുവൈറ്റ് സ്വദേശികൾക്ക് ലഭിക്കുന്നത്. റജബ് മാസത്തിലെ 27ആം നാളിലാണ്‌ ഇസ്ര വല്‍ മിറാജ് ദിനം വരുന്നത്. ഇക്കാര്യം ഇസ്ലാമിക കാര്യ- ജീവകാരുണ്യ പ്രവര്‍ത്തന വകുപ്പിന്റെ കലണ്ടറിലാണ് സ്ഥിരീകരിക്കുന്നത്.
Read Also: ബസ് അപകടത്തിൽ നിരവധി കുട്ടികൾക്ക് ദാരുണാന്ത്യം
ഇസ്‌ലാമികവിശ്വാസപ്രകാരം മുഹമ്മദ് നബി ആകാശ മാര്‍ഗം നടത്തിയ ഒരു രാത്രിയാത്രയാണ് ഇസ്ര വല്‍ മിറാജ് .ഇതിൽ മസ്ജിദുൽ ഹറാമിൽ നിന്ന് മസ്ജിദുൽ അഖ്സാ വരെയുള്ള യാത്രയെ ഇസ്രാ (രാത്രി പ്രയാണം) എന്നും അവിടെ നിന്ന് ഏഴാകാശങ്ങൾ അടക്കമുള്ള അദൃശ്യ ലോകങ്ങൾ താണ്ടി അള്ളാഹു നിശ്ചയിച്ച പരിധി വരെയുള്ള പ്രയാണത്തെ മിറാജ് (ആകാശാരോഹണം) എന്നും പറയപ്പെടുന്നു. അൽ ഇസ്രാ വ അൽ മിഅറാജ് എന്നറിയപ്പെടുന്ന ഈ യാത്രയിൽ നബി ഉടലോടെ ആകാശത്ത് പോയി ദൈവസാമീപ്യം അനുഭവിച്ച് തിരിച്ചെത്തി എന്നതാണ് വിശ്വാസം.
Post Your Comments