ബഹ്‌റൈൻ ഇസ്ര വാൾ മിറാജിന് തീയതി നിശ്ചയിച്ചു

ബഹ്‌റൈൻ ഇസ്ര വാൾ മിറാജ് വാർഷിക ചടങ്ങിന്റെ തീയതി നിശ്ചയിച്ചു. ഏപ്രിൽ 12 വ്യാഴാഴ്ച (ഇസ്ലാമിക് കലണ്ടറിലെ രജബ് 26 ,1439,), വൈകുന്നേരം നടക്കുമെന്ന് അൽ ഫത്തേഹ് ഇസ്ലാമിക് സെന്റർ ബഹ്റൈൻ ഔദ്യോഗിക വാർത്താ ഏജൻസിയെ അറിയിച്ചു.

സുപ്രീം ഇസ്ലാമിക് അഫയേഴ്‌സ് കൗൺസിൽ പ്രസിഡന്റ് ശൈഖ് അബ്ദുള്ള ബിൻ ഖാലിദ് അൽ ഖലീഫയുടെ നേതൃത്വത്തിലാണ് ചടങ്ങ് നടക്കുക. ഇസ്ലാമിക് അഫയേഴ്സ് ആൻഡ് എൻഡോവ്മെൻറ്സ് മന്ത്രാലയത്തിലെ ഇസ്ലാമിക് അഫയേഴ്സ് ഡെപ്യൂട്ടി മന്ത്രി ഡോ. ഫരീദ് ബിൻ യാക്കൂബ് അൽ മുഫ്താ ചടങ്ങിൽ സംസാരിക്കും.

ശൈഖ് ഖലീൽ ബൻഷിയുടെ ഖുർആൻ പാരായണത്തോടെയാണ് ചടങ്ങ് തുടങ്ങുന്നത്. ജസ്റ്റിസ്, ഇസ്ലാമിക് അഫയേഴ്സ് ആൻഡ് എൻഡോവ്മെൻറ്സ് മന്ത്രി ഷെയ്ക് ഖാലിദ് ബിൻ അലി അൽ ഖലീഫയുടെ പ്രഭാഷണവും ഉണ്ടാകും.