ഉത്തർപ്രദേശ്: പണം തിരികെ ചോദിച്ചതിന് യുവാവിനെ മരത്തിൽ കെട്ടിയിട്ട് തല്ലി. ഉത്തർപ്രദേശിലെ ഡിയോറിയ ജില്ലയിലാണ് സംഭവം. കൊടുത്ത പണം തിരികെ ചോദിച്ചയാളെ ഒരു സംഘം യുവാക്കൾ ചേർന്ന് തല്ലി അവശനാക്കി. യുവാക്കൾ ഇയാളെ മരത്തിൽ കെട്ടിയിട്ട് മർദിക്കുകയായിരുന്നു. മരത്തിൽ കെട്ടിയിട്ട ശേഷം വടിയും ബെൽറ്റും ഉപയോഗിച്ചാണ് തല്ലിയത്.
also read:അപകടത്തിൽപ്പെട്ട് നടുറോഡിൽ കിടന്നയാളെ തിരിഞ്ഞ് നോക്കാതെ നാട്ടുകാർ
സംഭവം അറിഞ്ഞ് പോലീസ് എത്തിയെങ്കിലും ആക്രമികൾ ഓടി രക്ഷപ്പെടുകയായിരുന്നു. യുവാവിനെ മർദിച്ച സംഘത്തിലെ ഒരാളെ പോലീസ് സംഭവസ്ഥലത്ത് നിന്ന് അറസ്റ്റ് ചെയ്‌തു. സംഭവത്തിൽ പോലീസ് കേസ് രജിസ്റ്റർ ചെയ്‌ത്‌ അന്വേഷണം ആരംഭിച്ചു. മാർച്ച് 28ന് സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് വിവരം പുറത്തറിഞ്ഞത്.
Post Your Comments