ലോകത്തെ ഏറ്റവും മികച്ച കാറായി ഈ വര്‍ഷവും തെരഞ്ഞെടുക്കപ്പെട്ടത് എസ്.യു.വി. വോള്‍വോ എക്സ്.സി 60 ആണ് 2018-ലെ വേള്‍ഡ് കാര്‍ ഓഫ് ദി ഇയര്‍ ആയി തെരഞ്ഞെടുക്കപ്പെട്ടത്. റേഞ്ച് റോവര്‍ വെലര്‍, ദി മസാദ, സി.എക്സ്-5 എന്നീകാറുകളോട് മത്സരിച്ചാണ് എക്സ്.സി-60 തെരഞ്ഞെടുക്കപ്പെട്ടത്.
ഇതു രണ്ടാം വര്‍ഷമാണ് കാര്‍ ഓഫ് ദി ഇയറായി എസ്.യു.വി തെരഞ്ഞെടുക്കപ്പെടുന്നത്. 2017-ല്‍ ജാഗ്വറിന്റെ എഫ്-പേസ് ആണ് കാര്‍ ഓഫ് ദി ഇയറായി തെരഞ്ഞെടുക്കപ്പെട്ടത്. കഴിഞ്ഞ വര്‍ഷത്തെ അതേ എസ്.യു.വി ട്രെന്‍ഡാണ് ഈ വര്‍ഷവും തുടരുന്നത് എന്നാണ് വിലയിരുത്തല്‍.
/editorial/65407/2018-volvo-xc60-r-design-893.jpg)
വോള്‍വോയുടെ തന്നെ പവര്‍ പള്‍സ് ടെക്‌നോളജിയില്‍ പ്രവര്‍ത്തിക്കുന്ന കരുത്തുറ്റ ഡീസല്‍ എന്‍ജിനാണ് പുതിയ എക്സ് സി 60 ന്റെ പ്രത്യേകത. ഇതിലെ ഇരട്ട ടര്‍ബോ എന്‍ജിന്‍ മൃദുലമോ കായികമോ ആയ പ്രകടനം നല്‍കും. അഞ്ച് തരത്തിലുള്ള ഡ്രൈവിംഗ് മോഡുകള്‍ – ഇക്കോ, കംഫര്‍ട്ട്, ഡൈനാമിക്, ഓഫ്-റോഡ്, വ്യക്തി എന്നിവ നിങ്ങളുടെ യാത്ര സുഖകരമാക്കും. സെന്റര്‍ സ്റ്റാക്കിലുള്ള ഇന്‍ട്രുറ്റീവ് ടച്ച്‌സ്‌ക്രീന്‍ XC60 ലെ ഡ്രൈവിംഗ് അനുഭവം ലളിതമാക്കുന്നു.
അതേസമയം വേള്‍ഡ് പെര്‍ഫോമന്‍സ് കാര്‍ ഓഫ് ദി ഇയറായി തെരഞ്ഞെടുക്കപ്പെട്ടത് ബി.എം.ഡബ്ല്യു എം 5 ആണ്. ആഡംബരകാറുകളുടെ വിഭാഗത്തില്‍ ഓഡി എ8 ആണ് തെരഞ്ഞെടുക്കപ്പെട്ടത്. അര്‍ബന്‍ കാറുകളുടെ വിഭാഗത്തില്‍ ഫോക്സ്വാഗണ്‍ പുതിയതലമുറ പോളോ തെരഞ്ഞെടുക്കപ്പെട്ടു. ഡിസൈന്‍ ഓഫ് ദി ഇയര്‍ പുരസ്‌കാരത്തില്‍ മുത്തമിട്ടത് റേഞ്ച് റോവര്‍ വെലാര്‍ ആണ്.
Post Your Comments