തിരുവനന്തപുരം: ചോദ്യപേപ്പർ ചോർന്നതിനെ തുടർന്ന് പത്താം ക്ലാസ് പരീക്ഷ റദ്ദാക്കി. സിബിഎസ്ഇയുടെ രണ്ട് പരീക്ഷകളാണ് റദ്ദാക്കിയത്. സിബിഎസ്ഇ പത്താം ക്ലാസ് കണക്ക്, പന്ത്രണ്ടാം ക്ലാസ് എക്കണോമിക്സ് എന്നീ വിഷയങ്ങളുടെ പരീക്ഷകളാണ് റദ്ദാക്കിയത്. പരീക്ഷകൾ വീണ്ടും നടത്തുമെന്ന് സിബിഎസ്ഇ അറിയിച്ചു. രണ്ട് വിഷയങ്ങളുടേയും ചോദ്യപേപ്പർ ചോർന്നതിനെ തുടർന്നാണ് പരീക്ഷകൾ റദ്ദാക്കിയത്.
പരീക്ഷാ നടത്തിപ്പിനെക്കുറിച്ചുള്ള പലതരം പരാതികളും ആശങ്കകളും തങ്ങളുടെ ശ്രദ്ധയില്‍പ്പെട്ടെന്നും ഈ സാഹചര്യത്തില്‍ ബോര്‍ഡിന്റെ സംശുദ്ധി തെളിയിക്കാനും വിദ്യാര്‍ത്ഥികളോട് നീതി പുലര്‍ത്താനുമായാണ് ഈ രണ്ട് പരീക്ഷകളും വീണ്ടും നടത്തുന്നതെന്ന് സിബിഎസ്ഇ കണ്‍ട്രോളര്‍ ഓഫ് എക്‌സാമിനേഷന്‍ പുറപ്പെടുവിച്ച അറിയിപ്പില്‍ പറയുന്നു. പരീക്ഷയുടെ തീയതി ഒരാഴ്ച്ചയ്ക്കുള്ളില്‍ സിബിഎസ്ഇ വെബ്‌സൈറ്റില്‍ പ്രസിദ്ധീകരിക്കുമെന്നും അറിയിപ്പിലുണ്ട്.
Post Your Comments