തൃശൂർ: രോഗിയെ തലകീഴായി കിടത്തിയ സംഭവം ആംബുലൻസ് ഡ്രൈവർക്ക് വീഴ്ച സംഭവിച്ചതായി കണ്ടെത്തി. മെഡിക്കൽ കോളജ് ആശുപത്രി ജീവനക്കാരുടെ ഭാഗത്ത് വീഴ്ചയില്ല. ആംബുലൻസിൽ ഒപ്പം വന്ന അറ്റൻഡർ വീൽ ചെയറാണ് ആവശ്യപ്പെട്ടത്. അതുകൊണ്ടാണ് വീൽ ചെയർ നൽകിയതെന്നും റിപ്പോർട്ടിൽ പറയുന്നു. ആരോഗ്യമന്ത്രി കെ.കെ. ശൈലജയ്ക്ക് ഇതുസംബന്ധിച്ച റിപ്പോർട്ട് തൃശൂർ മെഡിക്കൽ കോളജ് സൂപ്രണ്ട് കൈമാറി.
Also read ;ഓട്ടോ കിണറ്റിലേക്ക് മറിഞ്ഞ് കുട്ടികളുൾപ്പെടെ പതിനൊന്നു മരണം
വാഹനാപകടത്തിൽ പരിക്കേറ്റ രോഗിയെ പരിക്കേറ്റ് തൃശൂർ മെഡിക്കൽ കോളജിലെത്തിച്ചപ്പോഴായിരുന്നു സംഭവം. ആംബുലൻസിൽ മലമൂത്ര വിസർജനം നടത്തിയതിന്‍റെ പേരിൽ സ്ട്രെച്ചറിൽ രോഗിയെ തലകീഴായി കിടത്തുകയായിരുന്നു. ശേഷം ശനിയാഴ്ച പുലർച്ചെ രോഗി മരണത്തിനു കീഴടങ്ങുകയും ചെയ്തു. സംഭവത്തിൽ ആംബുലൻസ് ഡ്രൈവറായ പാലക്കാട് സ്വദേശി ഷെരീഫിനെതിരെ പോലീസ് കേസെടുത്തിരുന്നു. ഈ അവസരത്തിലാണ് ഡ്രൈവർക്കെതിരായി റിപ്പോർട്ട് സമർപ്പിച്ചിരിക്കുന്നത്
Post Your Comments