സൈക്കിൾ റിക്ഷ ചവിട്ടിയ പണം കൊണ്ട് നിർമ്മിച്ചത് ഒൻപത് സ്‌കൂളുകൾ; അലിയെ പ്രശംസിച്ച് പ്രധാനമന്ത്രി

സിൽചർ: സൈക്കിൾ റിക്ഷ ചവിട്ടിയ പണം കൊണ്ട് സ്‌കൂളുകൾ നിർമ്മിച്ച അലിയെ മൻ കി ബാത്തിലൂടെ പ്രശംസിച്ച് പ്രധാനമന്ത്രി നരേന്ദ്രമോദി. അസമിലെ കരിംഗഞ്ച് ജില്ലക്കാരനാണ് അലി. സ്വന്തം ഗ്രാമത്തിലെ കുട്ടികൾക്ക് പഠിക്കാനായി സ്‌കൂളുകൾ ഇല്ലെന്ന് കണ്ട അദ്ദേഹം രാപകൽ അദ്ധ്വാനിച്ച് നേടിയ പണം കൊണ്ട് 9 സ്‌കൂളുകളാണ് നിർമ്മിച്ചത്.

Read Also: ജാതി മതഭ്രാന്തുകളുടെ ക്രൂരതയിൽ ജീവിതങ്ങൾ ബലിയാടാകുമ്പോൾ ഒരച്ഛന്റെയും മകളുടെയും കുറിപ്പുകൾ ശ്രദ്ധപിടിച്ചുപറ്റുന്നു

വരുമാനം കൊണ്ട് സ്വന്തം വീട്ടിലെ ദാരിദ്ര്യം അകറ്റാൻ കഴിയില്ലെന്നറിഞ്ഞിട്ടും തുച്ഛമായ നാണയതുട്ടുകൾ ചേർത്തു വച്ച് സ്വന്തം ഗ്രാമത്തിലെ കുട്ടികൾക്കുവേണ്ടി സ്ക്കൂൾ നിർമ്മിക്കാൻ മനസ്സ് കാണിച്ച അലിയെ പോലെയുള്ളവരാണ് ഇന്ത്യയുടെ മനസ്സ് കണ്ടതെന്ന് പ്രധാനമന്ത്രി അഭിനന്ദിക്കുകയുണ്ടായി.