തിരുവനന്തപുരം•പ്രാര്‍ത്ഥനകളെല്ലാം വിഫലമായി. ഗാനമേളയ്ക്കിടെ വേദിയില്‍ കുഴഞ്ഞുവീണ് ചികിത്സയിലായിരുന്ന ഗായകന്‍ ഷാനവാസ് നിര്യാതനായി. തിരുവനന്തപുരം മെഡിക്കല്‍ കോളേജ് ആശുപത്രിയിലായിരുന്നു അന്ത്യം.
വ്യാഴാഴ്ച ചിറയിന്‍കീഴ്‌ ശാര്‍ക്കരയില്‍ വച്ച് നടന്ന ഗാനമേളയില്‍ വച്ചായിരുന്നു സംഭവം. വേദിയിൽ ഒരു മറ്റൊരു ഗായികയ്ക്കൊപ്പം പാടുകയായിരുന്ന ഷാനവാസ് പൊടുന്നനെ തല ചുറ്റി താഴേക്കു വീഴുകയായിരുന്നു. ഉടനെ ആശുപത്രിയിലെത്തിച്ച ഷാനവാസിന് അടിയന്തരമായി ശസ്ത്രക്രിയ നടത്തിയിരുന്നു. തുടര്‍ന്ന് തീവ്രപരിചരണ വിഭാഗത്തില്‍ ചികിത്സയിലായിരുന്നു.
സിനിമകളിൽ പാടിയിട്ടില്ലെങ്കിലും ഗാനമേളകളിലൂടെ പ്രശസ്തനാണ് ഷാനവാസ്. ഗായകന്റെ ആരോഗ്യത്തിനും തിരിച്ചുവരവിനുമായുള്ള പ്രാർഥനയിലായിരുന്നു ബന്ധുക്കളും സുഹൃത്തുക്കളും. എന്നാല്‍ ഇതെല്ലം വിഫലമാക്കി, പറക്കമുറ്റാത്ത രണ്ട് കുഞ്ഞുങ്ങളെയും ഭാര്യയേയും തനിച്ചാക്കി ഷാനവാസ് പുലര്‍ച്ച ലോകത്തോട് വിടപറയുകയായിരുന്നു.
Post Your Comments