ഗുരുഗ്രാം•ഗുരുഗ്രാമിലെ ഒരു മാളില്‍ പ്രവര്‍ത്തിച്ചിരുന്ന പെണ്‍വാണിഭ സംഘത്തിലെ 9 പേരെ തിങ്കളാഴ്ച പോലീസ് അറസ്റ്റ് ചെയ്തു.
ഗുരുഗ്രാം സെക്ടര്‍ 50 ലെ ഒമെകസ് മാളില്‍ സ്പാ സെന്ററിന്റെ മറവില്‍ പെണ്‍വാണിഭം നടക്കുന്നുവെന്ന രഹസ്യവിവരത്തിന്റെ അടിസ്ഥാനത്തില്‍ പോലീസ് നടത്തിയ പരിശോധനയിലാണ് സംഘം പിടിയിലായതെന്ന് ഗുർഗാവ് പോലീസ് പി.ആര്‍.ഒ രവീന്ദര്‍ കുമാര്‍ പറഞ്ഞു.
രഹസ്യവിവരത്തിന്റെ അടിസ്ഥാനത്തില്‍ പോലീസ് പ്രത്യേക സംഘം രൂപീകരിക്കുകയും ഇടപാടുകാരന്‍ എന്ന വ്യാജേന ഒരാളെ ഓയ്സ്റ്റര്‍ സ്പാ സെന്‍ററിലേക്ക് അയക്കുകയും ചെയ്തു. പിന്നീട് നടത്തിയ റെയ്ഡിലാണ് 6 പെണ്‍കുട്ടികള്‍ ഉള്‍പ്പടെ 9 പേര്‍ അറസ്റ്റിലായതെന്നും അദ്ദേഹം പറഞ്ഞു.
സ്പാ ഉടമയെ അറസ്റ്റ് ചെയ്യാനുള്ള ശ്രമത്തിലാണ് തങ്ങളെന്നും രവീന്ദര്‍ കുമാര്‍ കൂട്ടിച്ചേര്‍ത്തു.
Post Your Comments