അബുദാബി: ഇനിമുതല്‍ യുഎഇയില്‍ മരിക്കുന്ന ഇന്ത്യക്കാരുടെ മൃതദേഹം തൂക്കിനോക്കാതെ വിമാനത്തില്‍ നാട്ടിലെത്തിക്കും. മൃതദേഹങ്ങളുടെ ഭാരം അളക്കേണ്ടന്ന് എയര്‍ ഇന്ത്യയുടെ കാര്‍ഗോ വിഭാഗം തീരുമാനിച്ചു.
അബുദാബി ഒഴികെയുള്ള എമിരേറ്റുകളില്‍ പുതിയ തീരുമാനം ബാധകമാവും. എയര്‍ ഇന്ത്യയിലും എയര്‍ ഇന്ത്യ എക്‌സ്പ്രസിലും പുതിയ തീരുമാനപ്രകാരം മൃതദേഹങ്ങള്‍ ഇന്ത്യയില്‍ എത്തിക്കുമെന്ന് എയര്‍ ഇന്ത്യ അറിയിച്ചു.
എയര്‍ ഇന്ത്യയില്‍ കാര്‍ഗോയുടെ ചുമതലയുള്ള അറേബ്യന്‍ ട്രാവല്‍സാണ് തീരുമാനം കൈക്കൊണ്ടത്. ഇതോടെ ദുബായില്‍ നിന്നും മൃതദേഹങ്ങള്‍ കൊച്ചിയില്‍ എത്തിക്കാന്‍ 2000 ദിര്‍ഹത്തില്‍ താഴെ മാത്രമേ ചെലവാകൂ.
Post Your Comments