ശ്രീനിവാസപുരം: സ്‌കൂളിലെ തുറന്നുകിടന്ന സെപ്റ്റിക് ടാങ്കില്‍ വീണ് നാലുവയസ്സുകാരൻ മരിച്ചു. തമിഴ്നാട്ടില്‍ ശ്രീനീവാസപുരത്തെ പോരുരിലെ മാസി മെട്രിക്കുലേഷന്‍ ഹയര്‍ സെക്കണ്ടറി സ്‌കൂളിലെ എല്‍കെജി വിദ്യാര്‍ത്ഥിയായ എം. കീര്‍ത്തിശ്വരനാണ് മരിച്ചത്. സെപ്റ്റിക് ടാങ്കില്‍ കുട്ടി വീണത് ഇടവേള സമയത്ത് ശുചിമുറിയിലേക്ക് പോയപ്പോഴാണ്.
ശുചിമുറിയിലേക്ക് മരിച്ച കുട്ടിയുള്‍പ്പടെ മൂന്ന് വിദ്യാര്‍ത്ഥികളാണ് പോയത്. തുറന്നുകിടന്ന സെപ്റ്റിക് ടാങ്കിന്റെ അടുത്തുകൂടെ പോയപ്പോള്‍ പത്ത് അടി താഴ്ചയുള്ള സെപ്റ്റിക് ടാങ്കിലേക്ക് കീര്‍ത്തിശ്വരന്‍ കാല്‍തെന്നി വീഴുകയായിരുന്നുവെന്ന് പൊലീസ് പറയുന്നു.
read also: സെപ്റ്റിക് ടാങ്കില്‍ വീണ മകളെ മാതാപിതാക്കള്‍ ജീവനോടെ മൂടി
അറ്റകുറ്റപ്പണിക്കായി സെപ്റ്റിക് ടാങ്ക് തുറന്നപ്പോഴാണ് വിദ്യാര്‍ത്ഥി വീണതെന്ന് പൊലീസ് അന്വേഷത്തില്‍ കണ്ടെത്തി. മറ്റു കുട്ടികള്‍ കീര്‍ത്തീശ്വരന്‍ ടാങ്കില്‍ വീണതു കണ്ട് വിവരം അധ്യാപകരെ അറിയിക്കുകയും തുടര്‍ന്ന് ഫയര്‍ഫോഴ്സ് എത്തി കീര്‍ത്തിശ്വരനെ പുറത്തെടുക്കുകയായിരുന്നു.
Post Your Comments