ലുധിയാന: ലുധിയാന മുന്‍സിപ്പല്‍ കോര്‍പ്പറേഷന്‍ തെരഞ്ഞെടുപ്പ് ഫലം പുറത്തെത്തി. തെരഞ്ഞെടുപ്പില്‍ കോണ്‍ഗ്രസ് വന്‍ വിജയം നേടി. തെരഞ്ഞെടുപ്പ് നടന്ന 95 വാര്‍ഡുകളില്‍ 61 സീറ്റുകളിലും കോണ്‍ഗ്രസ് വിജയിച്ചു. ബിജെപി ശിരോമണി അകാലിദള്‍ സഖ്യം 21 സീറ്റുകള്‍ നേടി.
ലോക് ഇന്‍സാഫ് പാര്‍ട്ടിയും ആംആദ്മി പാര്‍ട്ടിയും സഖ്യമായാണ് മത്സരിച്ചത്. ഇരുവരുടെയും സഖ്യം എട്ട് സീറ്റുകളാണ് നേടിയത്. ഇതില്‍ ഏഴ് സീറ്റും വിജയിച്ചത് ലോക് ഇന്‍സാഫ് പാര്‍ട്ടിയാണ്. മറ്റൊരു സീറ്റിലാണ് ആം ആദ്മിയ്ക്ക് വിജയിക്കാനായത്.
ക്യാപ്റ്റന്‍ അമരീന്ദര്‍ സിംഗിന്റെ നേതൃത്വത്തിലുള്ള കോണ്‍ഗ്രസ് സര്‍ക്കാരാണ് പഞ്ചാബില്‍ ഭരണം നടത്തുന്നത്. ഫെബ്രുവരി 24നാണ് ലുധിയാന മുന്‍സിപ്പല്‍ കോര്‍പ്പറേഷനിലേക്കുള്ള തെരഞ്ഞെടുപ്പ് നടന്നത്.
Post Your Comments