കാനഡ: ലോക പ്രശസ്ത കമ്പനിയായ ആപ്പിളിന്‍റെ സി.ഇ.ഒയും ചെയര്‍മാനുമായിരുന്ന സ്റ്റീവ് ജോബ്സിന്‍റെ 1973ലെ ജോലി അപേക്ഷ ലേലത്തിന്. സ്വന്തമായി കമ്പനി ആരംഭിക്കുന്നതിന് മൂന്ന് വര്‍ഷം മുന്‍പാണ് സ്റ്റീവ് ജോലിക്കായി മറ്റൊരു കമ്പനിയില്‍ അപേക്ഷിച്ചത്.
സ്റ്റീവിന്‍റെ കൈപ്പടയില്‍ പേരും, മേല്‍വിലാസവും എഴുതിയിട്ടുള്ള അപേക്ഷയില്‍ പ്രത്യേക കഴിവുകളുടെ കോളത്തില്‍ ഇലക്‌ട്രോണിക് ടെക്നോളജി അല്ലെങ്കില്‍ ഡിസൈനര്‍ എഞ്ചിനിയര്‍ എന്നും രേഖപ്പെടുത്തിയിട്ടുണ്ട്. 50000 ഡോളര്‍ വിലയിട്ടിരിക്കുന്ന ഒരു പേജ് അപേക്ഷ ലേലത്തിന് വെക്കുന്നത്
ബോസ്റ്റണിലെ ആര്‍.ആര്‍ ഒാക്ഷന്‍ ഹൗസാണ്. ഇതോടൊപ്പം സ്റ്റീവ് ഒപ്പിട്ട 2001ലെ മാക് ഒാപ്പറേറ്റിങ് സിസ്റ്റത്തിന്‍റെ മാനുവല്‍, 2008ല്‍ ഐ.ഫോണ്‍ വില്‍പ്പന വര്‍ധിച്ചതുമായി ബന്ധപ്പെട്ട് പുറത്തു വന്ന പത്രവാര്‍ത്ത കട്ടിംഗ് തുടങ്ങിയവയും ലേലത്തിന് വെക്കുന്നുണ്ട്. മാര്‍ച്ച്‌ 8 മുതല്‍ 15 വരെയാണ് ലേലം നടക്കുക.
Post Your Comments