തിരിച്ചടിക്കില്ലെന്ന് ഉറപ്പുള്ളതുകൊണ്ടല്ലേ അവര്‍ അയാളെ തല്ലിച്ചതച്ചത് ,ആ മനുഷ്യന്റെ മുഖം കണ്ടില്ലേ : ലൈവില്‍ പൊട്ടിക്കരഞ്ഞ് ശിവാനി

രാത്രി ഉറങ്ങിയിട്ടില്ല, ആ മനുഷ്യന്റെ മുഖമൊന്ന് നോക്ക്!! അയാള്‍ മരിച്ചുവെന്നത് ഈ സെക്കന്റ് വരെയും എനിക്ക് വിശ്വസിക്കാന്‍ പറ്റുന്നില്ല, ലൈവിൽ പൊട്ടിക്കരഞ്ഞു കൊണ്ട് നടി ശിവാനി. ലൈവിനിടെ ശിവാനി പട്ടിക്കരയുകയും ചെയ്തു. ഒരു നേരത്തെ ഭക്ഷണം കൊടുക്കുന്നതിനു പകരം തല്ലി കൊന്നില്ലേ എന്ന് ചോദിച്ചാണ് ശിവാനി കരയുന്നത്.’മധു എന്ന ചെറുപ്പക്കാരനെ മോഷണത്തിന്റെ പേരില്‍ കൈ രണ്ടും കെട്ടിയിട്ട് തല്ലുന്ന ഫോട്ടോ കണ്ടു. ഇന്ന് അവന്‍ മരിച്ചു.

മധു മരിച്ചതായി തോന്നുന്നില്ല. അവന്റെ ഫോട്ടോ കണ്ട ശേഷം ഉറക്കം വന്നിട്ടില്ല. ഒരു സഹജീവിയെ ഉപദ്രവിക്കാന്‍ മനസുള്ളവനാണ് ശരിക്കുമൊരു ക്രിമിനല്‍. അല്ലാതെ ഒരു നേരത്തെ ഭക്ഷണത്തിന് വേണ്ടി അവന്‍ മോഷ്ടിക്കുന്നുണ്ടെങ്കില്‍ അവനെത്ര ഗതിയില്ലാത്തവനായിരിക്കും… അവന്റെ സഞ്ചിയില്‍ നിന്ന് കിട്ടിയത് എന്താണ്? നമ്മുടെ നാട്ടില്‍ മനുഷ്യന്മാരുടെയൊക്കെ മനസ് കല്ലായിട്ട് പോയോ? ശിവാനി രോഷാകുലയാകുന്നു.

തുടര്‍ന്ന് സംസാരിക്കാനാവാതെ കരയുകയാണ് ശിവാനി. രാത്രി ഉറങ്ങിയിട്ടില്ല. ആ മനുഷ്യന്റെ മുഖമൊന്ന് നോക്ക്. അയാള്‍ മരിച്ചുവെന്നത് ഈ സെക്കന്റ് വരെയും എനിക്ക് വിശ്വസിക്കാന്‍ പറ്റുന്നില്ല. കൈ കെട്ടിവെച്ചിരിക്കുന്നു. കൈ കെട്ടിയാല്‍ തിരിച്ചടിക്കില്ലെന്ന് ഉറപ്പുള്ളതുകൊണ്ട് തന്നെയല്ലേ ഇവര്‍ അയാളെ തല്ലിച്ചതച്ചതെന്നും ശിവാനി ലൈവില്‍ പറയുന്നു.

ലൈവ് വീഡിയോ കാണാം: