കണ്ണൂര്‍: സിപിഎം കണ്ണൂര്‍ ജില്ലാ സെക്രട്ടറി പി ജയരാജനെതിരെ കോൺഗ്രസ് നേതാവ് കെ സുധാകരൻ. ജയരാജന് അധികാര ഭ്രാന്താണെന്നും ഇത് ഉത്തര കൊറിയയോ മറ്റോ ആണെന്നാണ് ജയരാജൻ ധരിച്ചിരിക്കുന്നതെന്നും കിം ജോങ് ഉന്നിന്‍റെ അനുയായി ആണെന്നും സുധാകരൻ കുറ്റപ്പെടുത്തി.
ഒരു കമ്മ്യൂണിസ്റ്റ് രാഷ്ട്രത്തിലെ ഏകാധിപതിയെപ്പോലെയാണ് ജയരാജന്റെ നിലപാടെന്നും പാര്‍ട്ടി ഭരണം ജനാധിപത്യത്തിൽ അടിച്ചേൽപ്പിക്കാനുള്ള ആഗ്രഹമാണ് ജയരാജനെന്നും അദ്ദേഹം കൂട്ടിച്ചേര്‍ത്തു. അധികാരത്തിന്‍റെ ലഹരിയിൽ എല്ലാവരെയും അടിച്ചമര്‍ത്തി മുന്നോട്ടുപോകുമ്പോള്‍ താൻ എല്ലാത്തിനും മുകളിലാണെന്നുള്ള തോന്നലുണ്ടാകും. അതാണ് ഒരു ഫാസിസ്റ്റിന് ജന്മം നല്‍കുന്നത്. ഈ അസുഖം മാറ്റാൻ പാര്‍ട്ടി തയ്യാറായില്ലെങ്കിൽ ജനങ്ങള്‍ ഇറങ്ങുമെന്നും സുധാകരൻ മുന്നറിയിപ്പ് നല്‍കി.
Read also:മധ്യവയസ്കന്‍ മരിച്ച നിലയില്‍ ; കൊലപാതകമാണെന്ന് സംശയം
പോലീസ് അന്വേഷിച്ചാലും അത് ശരിയാണോ എന്ന് പറയുന്നത് തിരുത്തപ്പെടേണ്ടതാണെന്നും എല്ലാം കൈപ്പിടിയിൽ ഒതുക്കാൻ ശ്രമിക്കുന്ന ജയരാജൻ്റെ പ്രവണത പാര്‍ട്ടി പ്രവര്‍ത്തകര്‍ തടയണമെന്നും സുധാകരൻ ആവശ്യപ്പെട്ടു.
Post Your Comments