യാത്രക്കാരന്റെ അധോവായുവിനെ ചൊല്ലി പതിനായിരം അടി മുകളിൽ പറക്കുകയായിരുന്ന വിമാനത്തിലെ യാത്രക്കാർ തമ്മിൽ കൂട്ടത്തല്ല്. കഴിഞ്ഞ ദിവസം ദുബായില്‍ നിന്ന് ആംസ്റ്റര്‍ഡാമിലേയ്ക്ക് പുറപ്പെട്ട ട്രാൻസാവിയ എച്ച് വി 6902 വിമാനത്തിലാണ് സംഭവം. തുടര്‍ന്ന് വിമാനം പൈലറ്റ് അടിയന്തിരമായി ലാന്‍ഡ് ചെയ്തു.ഡച്ചുകാരനായ ഒരു യാത്രക്കാരനാണ് പ്രശ്നത്തിന് കാരണം.
ഇയാള്‍ മറ്റ് യാത്രക്കാര്‍ക്ക് ശല്യമുണ്ടാകുന്ന രീതിയില്‍ അധോവായു പുറത്തു വിട്ടതാണ് പ്രശ്നങ്ങള്‍ക്ക് തുടക്കമെന്നാണ് വിദേശമാധ്യമങ്ങള്‍ റിപ്പോര്‍ട്ട് ചെയ്യുന്നത്. സഹയാത്രികർ വിമാന ജീവനക്കാരോട് പരാതിപ്പെട്ടെങ്കിലും യാത്രക്കാരൻ വീണ്ടും ഇതേ പ്രവൃത്തി ആവർത്തിക്കുകയായിരുന്നു. തുടർന്ന് ഇതിനെ ചൊല്ലി യാത്രക്കാർ കൂട്ടത്തല്ലായി.
തുടര്‍ന്ന് വിയന്നയില്‍ വിമാനം അടിയന്തിരമായി ലാന്‍ഡ് ചെയ്യിച്ച ശേഷം ഇയാളെ ഒഴിവാക്കിയാണ് യാത്ര തുടര്‍ന്നത്. എന്നാല്‍ തനിക്ക് അസുഖം മൂലമാണ് ഇങ്ങനെ സംഭവിച്ചതെന്നാണ് ഇയാള്‍ പറയുന്നത്.
Post Your Comments