ബസ്തര്‍: വാഹനാപകടത്തില്‍ മരിച്ച മകന്റെ സംസ്കാര ചടങ്ങുകള്‍ക്ക് പണമില്ലാെത തുടര്‍ന്ന് മൃതദേഹം ആശുപത്രിക്ക് വിട്ടു നല്‍കി. വാഹനാപകടത്തില്‍ പരിക്കേറ്റ് ജഗ്ദല്‍പൂര്‍ മെഡിക്കല്‍ കോളജില്‍ ചികിത്സയിലായിരുന്ന ബാമന്‍ വ്യാഴാഴ്ചയാണ് മരിച്ചത്. വെള്ളിയാഴ്ച രാവിലെ മൃതദേഹം മോര്‍ച്ചറിയില്‍ നിന്ന് കൊണ്ടുപോകാന്‍ ആശുപത്രി അധികൃതര്‍ ആവശ്യപ്പെട്ടു.
എന്നാല്‍ മൃതദേഹം ഏറ്റുവാങ്ങി സ്വന്തം ഗ്രാമത്തിലെത്തിക്കാന്‍ പണമില്ലെന്ന് കുടുംബാംഗങ്ങള്‍ അറിയിക്കുകയായിരുന്നു. ചണ്ഡിഗഡിലെ ബസ്തര്‍ സ്വദേശിയായ ബാമന്‍ എന്ന യുവാവിെന്‍റ മൃതദേഹമാണ് സംസ്കാരത്തിന് പണമില്ലാത്തതിനാല്‍ കഴിഞ്ഞ ദിവസം മെഡിക്കല്‍ കോളജിന് വിട്ടു നല്‍കിയത്. മൃതദേഹം കൊണ്ടുപോകുന്നില്ലെങ്കില്‍ മെഡിക്കല്‍ കോളജിന് വിട്ടുനല്‍കാമെന്ന് അധികൃതര്‍ അറിയിച്ചു. തുടര്‍ന്ന് മൃതദേഹം വിട്ടുനല്‍കാന്‍ മാതാവ് തീരുമാനിക്കുകയായിരുന്നു.
Post Your Comments