എന്താ കളി, പാക് വനിത ക്രിക്കറ്റ് താരങ്ങളുടെയും മനം കവര്‍ന്ന് ഇന്ത്യന്‍ നായകന്‍ കോഹ്ലി

സെഞ്ചൂറിയന്‍: ഓരോ മത്സരം കഴിയുമ്പോഴും ക്രിക്കറ്റ് പ്രേമികളെയും സഹതാരങ്ങളെയും വിസ്മയിപ്പിക്കുകയാണ് ഇന്ത്യന്‍ നായകന്‍ വിരാട് കോഹ്ലി. ദക്ഷിണാഫ്രിക്കയ്ക്ക് എതിരായ ഏകദിന പരമ്പരയില്‍ കോഹ്ലിയുടെ സെഞ്ചുറി മികവില്‍ തകര്‍പ്പന്‍ വിജയം നേടിയിരിക്കുകയാണ് ഇന്ത്യ. ഇതോടെ ആറ് മത്സരങ്ങള്‍ അടങ്ങിയ പരമ്പര 5-1ന് ഇന്ത്യ സ്വന്തമാക്കി.

ആറാം ഏകദിനത്തിലും തകര്‍പ്പന്‍ പ്രകടനമാണ് കോഹ്ലി കാഴ്ച വെച്ചത്. തന്റെ ഏകദിന കരിയറിലെ 35-ാം സെഞ്ചുറിയാണ് താരം നേടിയത്. 96 പന്തില്‍ നിന്നും 129 റണ്‍സാണ് കോഹ്ലി അടിച്ചു കൂട്ടിയത്. കോഹ്ലിയുടെ ഈ പ്രകടനത്തെ പുകഴ്ത്തി പാക്കിസ്ഥാന്‍ വനിത താരങ്ങളും രംഗത്തെത്തി. വളരെ അധികം സൂക്ഷ്മതയോടെ കളിക്കുന്ന താരം, 35-ാം സെഞ്ചുറി, ഏത് രീതിയില്‍ നോക്കിയാലും അത്ഭുതപ്പെടുത്തുന്ന ബാറ്റിംഗ്- പാക്കിസ്ഥാന്‍ വനിത ക്രിക്കറ്റ് താരം സയെദ നൈന്‍ അബദി ട്വിറ്ററില്‍ കുറിച്ചു.

So focussed and concentrated as a batsman!
100 number 35! Absolutely amazing batting !! He is a Genius!!?@imVkohli #INDvSA

— Syeda Nain Abidi (@SyedaNain18) February 16, 2018

എന്തൊരു താരം എന്നാണ് പാക്കിസ്ഥാന്റെ വനിത ടീമിന്റെ മറ്റൊരു താരം കെയ്‌നത് ഇംതിയാസ് ട്വിറ്ററില്‍ കുിറിച്ചത്. ഇവര്‍ക്ക് പുറമെ നിരവധി പ്രമുഖര്‍ രംഗത്തെത്തിയിട്ടുണ്ട്.

What a player. ? @imVkohli ? https://t.co/ZZjox9uUeY

— Kainat Imtiaz (@kainatimtiaz16) February 16, 2018