അവസാന ഏകദിനം ഇന്ന്; മാറ്റങ്ങളുമായി ടീം ഇന്ത്യ

ജൊഹന്നാസ്ബര്‍ഗ്: ദക്ഷിണാഫ്രിക്കയ്‌ക്കെതിരായ ഏകദിന പരമ്പര നേടിയെങ്കിലും അവസാന ഏകദിനത്തിലും ജയിക്കാനായാണ് കളത്തിലിറങ്ങുക എന്ന് ഇന്ത്യന്‍ നായകന്‍ വിരാട് കൊഹ്‌ലി നേരത്തെ വ്യക്തമാക്കിയിരുന്നു. ടെസ്റ്റ് പരമ്പരയില്‍ മിന്നുന്ന ഫോമിലായിരുന്ന ഭുവനേശ്വര്‍ കുമാറിന് ഏകദിന പരമ്പരയില്‍ കാര്യമായി തിളങ്ങാനായിരുന്നില്ല. ഈ സാഹചര്യത്തില്‍ ട്വന്റി-20 പരമ്പരക്ക് മുന്നോടിയായി ഭുവിക്ക് വിശ്രമം നല്‍കി പകരം മുഹമ്മദ് ഷമിയെ ബുമ്രയുടെ പങ്കാളിയായി അന്തിമ ഇലവനില്‍ ഉള്‍പ്പെടുത്തിയേക്കും. ഭുവി തുടര്‍ന്നാല്‍ ബാറ്റുകൊണ്ട് കാര്യമായ സംഭാവനയൊന്നും നല്‍കാതിരുന്ന ഹര്‍ദ്ദിക് പാണ്ഡ്യയുടെ പകരക്കാരനായി ഷമിയെ കളിപ്പിക്കുന്ന കാര്യവും പരിഗണിക്കുന്നുണ്ട്.

അതേസമയം പരമ്പര 5-1ന് സ്വന്തമാക്കുകയാണ് തങ്ങളുടെ ലക്ഷ്യമെന്ന് കഴിഞ്ഞ മത്സത്തിനു പിന്നാലെ കൊഹ്‌ലി പറഞ്ഞിരുന്നു. ‘ചരിത്രം സൃഷ്ടിക്കുക എന്നത് വ്യത്യസ്തമായ അനുഭവമാണ്. ടീമിന്റെ കൂട്ടായ പരിശ്രമമാണ് പരമ്പര നേടാന്‍ സഹായകമായത്. ബാറ്റുകൊണ്ടും ബോളുകൊണ്ടും മാത്രമല്ല ഫീല്‍ഡിംഗിലും ഇന്ത്യന്‍ താരങ്ങള്‍ മികവ് പ്രകടിപ്പിച്ചു. ഇതിന്റെ ഫലമാണ് നമുക്ക് കിട്ടിയിരിക്കുന്നത്’ എന്നായിരുന്നു നായകന്റെ വാക്കുകള്‍. മൂന്നാം നമ്പറിലോ നാലാം നമ്പറിലോ ഇറക്കിയാല്‍ മാത്രമെ അയ്യര്‍ക്ക് കൂടുതല്‍ നിലയുറപ്പിച്ച് കളിക്കാനാകു. എന്നാല്‍ വിരാട് കോലിയും അജിങ്ക്യാ രഹാനെയും ആ സ്ഥാനങ്ങളില്‍ കളിക്കുന്നതിനാല്‍ അഞ്ചാമനായാണ് അയ്യര്‍ ക്രീസിലെത്തുന്നത്. അവസാന ഓവറുകളില്‍ ആഞ്ഞടിക്കാനാവുന്നില്ലെന്നതും അയ്യര്‍ക്ക് തിരിച്ചടിയാണ്

ഇതിന് പിന്നാലെ ടീമില്‍ ഇതുവരെ അവസരം ലഭിക്കാത്തവരെ അടുത്ത മത്സരത്തിലിറക്കുമെന്നും നായകന്‍ പറഞ്ഞു. ഇതോടെ ആറാം പരമ്പരയ്ക്കുള്ള ടീമിനെ സംബന്ധിച്ചുള്ള തീരുമാനം കൈക്കൊണ്ടതായാണ് സൂചന.ദക്ഷിണാഫ്രിക്കയെ കറക്കിവീഴ്ത്തിയതില്‍ പ്രധാന പങ്കുവഹിച്ച യുസ്‌വേന്ദ്ര ചഹലിന് പകരം അക്ഷര്‍ പട്ടേലിന് അവസരം നല്‍കാനുള്ള സാധ്യതയും നിലനില്‍ക്കുന്നു. ബാറ്റുകൊണ്ടും തിളങ്ങാനാവുമെന്നത് അക്ഷറിനെ അന്തിമ ഇലവനില്‍ ഉള്‍ക്കൊള്ളിക്കാനുള്ള സാധ്യത കൂട്ടുന്നു. എന്നാല്‍ റിസ്റ്റ് സ്പിന്നര്‍മാര്‍ ദക്ഷിണാഫ്രിക്ക വീഴ്ത്തിയതുപോലെ ഫിംഗര്‍ സ്പിന്നറായ അക്ഷറിന് ദക്ഷിണാഫ്രിക്കയെ കുഴയ്ക്കാനാകുമോ എന്ന സംശയം നിലനില്‍ക്കുന്നുണ്ട്.

ശ്രേയസ് അയ്യരാണ് അന്തിമ ഇലവനില്‍ നിന്ന് പുറത്താവാന്‍ സാധ്യതയുള്ള മറ്റൊരു താരം. ശ്രേയസിന് പകരം മനീഷ് പാണ്ഡെയോ ദിനേശ് കാര്‍ത്തിക്കോ അന്തിമ ഇലവനില്‍ കളിക്കാനുള്ള സാധ്യത കൂടുതലാണ്. കഴിഞ്ഞ രണ്ട് ഏകദിനത്തില്‍ നിന്ന് 48 റണ്‍സ് മാത്രമാണ് അയ്യര്‍ക്ക് നേടാനായത്. നാലാം ഏകദിനത്തില്‍ നിര്‍ണായക ക്യാച്ചുകള്‍ കൈവിട്ടുകളഞ്ഞതും അയ്യര്‍ക്ക് തിരിച്ചടിയാണ്. ദക്ഷിണാഫ്രിക്കയിലെ ക്രിക്കറ്റ് അനുഭവം ഏറെ ആസ്വദിക്കുന്നുണ്ട് ഞാന്‍. 17 അംഗ ടീമില്‍ 12 പേരെ മാത്രമേ ഇതുവരെ ഉപയോഗപ്പെടുത്താനായിട്ടുള്ളു. അടുത്തകളിയില്‍ പുതിയ പരീക്ഷണങ്ങളുണ്ടായേക്കാമെന്നും നായകന്‍ പറഞ്ഞിരുന്നു. ഇതിന് പിന്നാലെയാണ് ഇതുവരെ കളിച്ച മൂന്ന് താരങ്ങള്‍ക്ക് ടീം ഇന്ത്യയില്‍ അവസരം നല്‍കിയേക്കുമെന്ന സൂചന പുറത്ത് വരുന്നത്.