സിഐഎസ്‌എഫില്‍ അവസരം

ന്യൂഡല്‍ഹി: സെന്‍ഡ്രല്‍ ഇന്‍ഡസ്ട്രിയല്‍ സെക്യൂരിറ്റി ഫോഴ്സില്‍ (സിഐഎസ്.എഫ്) കരാറടിസ്ഥാനത്തില്‍ നിയമനം. പുരുഷന്മാര്‍ക്കാണ് അവസരം. കോണ്‍സ്റ്റബിള്‍/ഡ്രൈവര്‍ തസ്തികകളിലേക്കാണ് അപേക്ഷ ക്ഷണിച്ചിരിക്കുന്നത്. കോണ്‍സ്റ്റബിള്‍ / ഡ്രൈവര്‍-344, കോണ്‍സറ്റബിള്‍/ ഡ്രൈവര്‍ കം പമ്പ്‌ ഓപ്പറേറ്റര്‍- 103 എന്നിങ്ങനെ 447 ഒഴിവുകളാണുള്ളത്. 21-27 വയസ്സിനിടയിലുള്ളവര്‍ക്ക് അപേക്ഷിക്കാം. സംവരണ വിഭാഗങ്ങള്‍ക്ക് ഉയര്‍ന്ന പ്രായപരിധിയില്‍ ഇളവു ലഭിക്കും. യോഗ്യത: പത്താംക്ലാസോ അല്ലെങ്കില്‍ തത്തുല്യ യോഗ്യതയോ ഉണ്ടായിരിക്കണം.

ജനറല്‍,ഒബിസി വിഭാഗക്കാര്‍ക്ക് 100 രൂപയാണ് അപേക്ഷ ഫീസ്. എസ്.സി, എസ്.ടി വിമുക്തഭടന്മാര്‍ എന്നിവര്‍ക്ക് അപേക്ഷ ഫീസ് ഇല്ല. എസ്.ബി.ഐ ചെല്ലാന്‍ മുഖേനയോ നെറ്റ് ബാങ്കിങ്, ക്രഡിറ്റ്/ഡെബിറ്റ് കാര്‍ഡ് മുഖേനയോ അപേക്ഷ ഫീസ് അടക്കാം. ഫെബ്രുവരി 19 മുതല്‍ മാര്‍ച്ച്‌ 19 അഞ്ചു മണിവരെ https://cisfrectt.in എന്ന വെബ്സൈറ്റിലൂടെ അപേക്ഷകള്‍ സമര്‍പ്പിക്കാവുന്നതാണ്. ഫീസ് അടക്കേണ്ട അവസാന തീയതി മാര്‍ച്ച്‌ 21.