പുലി കടിച്ചു കൊന്ന നാലുവയസുകാരന്റെ മൃതദേഹം കണ്ടെത്തി

തൃശൂര്‍: വാല്‍പ്പാറ നടുമല എസ്റ്റേറ്റില്‍ നാലു വയസുകാരനെ പുലി കടിച്ചു കൊന്നു. കഴിഞ്ഞ ദിവസം വൈകിട്ട് 4 മണിയോടെയായിരുന്നു എസ്‌റ്റേറ്റിലെ ഷറഫലിയുടെയും സഫിയയുടെയും മകനായ സൈദുല്ല എന്ന ബാലനെ പുലി കടിച്ചെടുത്ത് കൊണ്ടുപോയത്. തുടർന്ന് നാട്ടുകാർ നടത്തിയ തിരച്ചിലിലാണ് തല വേർപെട്ട നിലയിൽ കുട്ടിയുടെ ശരീരം വനത്തിനുള്ളിൽ നിന്ന് കണ്ടെത്തിയത്.

വ്യാഴാഴ്ച വെകുന്നേരം വീടിന്റെ പുറകുവശത്ത് നിന്ന് കുട്ടിയെ കുളിപ്പിച്ച ശേഷം അമ്മ അടുക്കളയിലേക്ക് കയറിയ സമയത്തായിരുന്നു പുലിയുടെ ആക്രമണം. അമ്മ ഓടി എത്തിയപ്പോഴേക്കും പുലി കുട്ടിയെ കടിച്ചെടുത്ത് പാഞ്ഞിരുന്നു. തുടർന്ന് നാട്ടുകാർ തിരച്ചിൽ നടത്തിയെങ്കിലും രാത്രി വൈകി കുട്ടിയെ മരിച്ച നിലയിൽ കണ്ടെത്തുകയായിരുന്നു. എത്രയും ഗൗരവകരമായ സംഭവങ്ങൾ ഉണ്ടായിട്ടും പുലിയെ പിടികൂടാത്തതിൽ നാട്ടുകാരും പ്രതിഷേധത്തിലാണ്.

Read also ;നാല് വയസുകാരനെ പുലി കടിച്ചു കൊന്നു : സംഭവം തൃശൂരിൽ