കൊച്ചി: നിര്‍ണായക മത്സരത്തിന് ഇറങ്ങുന്ന കേരള ബ്ലാസ്റ്റേഴ്സിന് വമ്പന്‍ തിരിച്ചടി. സൂപ്പര്‍ താരം ഇയാന്‍ ഹ്യൂം ഇനിയുള്ള മത്സരങ്ങളില്‍ കളിച്ചേക്കില്ല. കേരള ബ്ലാസ്റ്റേഴ്‌സ് മാനേജ്‌മെന്റ് പുറത്തിറക്കിയ വാര്‍ത്താക്കുറിപ്പിലാണ് ഇക്കാര്യം പറഞ്ഞിരിക്കുന്നത്. പൂനെക്ക് എതിരായ കഴിഞ്ഞ മത്സരത്തിലാണ് ഹ്യൂമിന് പരുക്ക് പറ്റിയത്. കൂടുതല്‍ കരുത്തോടെ താന്‍ തിരിച്ചെത്തുമെന്ന് ഹ്യൂം ട്വീറ്റ് ചെയ്തിട്ടുണ്ട്.
കൊല്‍ക്കത്തയ്ക്ക് എതിരെ ഇന്ന് ബ്ലാസ്റ്റേഴ്സിന് നിര്‍ണായക മത്സരമാണുള്ളത്. ഈ മത്സരം വിജയിച്ചാല്‍ മാത്രമേ കേരളത്തിന് പ്ലേ ഓഫ് സാധ്യത നിലനിര്‍ത്താനാകൂ. ഈ സാഹചര്യത്തിലാണ് പരുക്കേറ്റ് ഹ്യൂം പുറത്ത് പോയിരിക്കുന്നത്. കൊല്‍ക്കത്തയുമായുള്ള മത്സരത്തില്‍ ബ്ലാസ്റ്റേഴ്‌സ് നായകന്‍ സന്തേഷ് ജിങ്കനും കളിക്കാനാവില്ല.
Post Your Comments